Yobi 6:1-30
6 Yobi ovutwidi vo:
2 “Ekwe kele vo ntantu+ zame zatezwaYo siwa vana balanza kumosi ye mpasi zame!
3 Kadi ziviokele senge dia kalunga e zitu.
I kuma mpovele mambu lembi yindula.*+
4 Kadi nzanza za Mpungu-ngolo zintobwele,O mwand’ame unuini manga miandi;+O Nzambi unzadisi ye wonga wau kandwanisi.
5 E buluku dia mfuta+ nga dilenda kaza wau dina ye titi?
Yovo e ngombe nga imeka wau ina ye titi?
6 Madia makondwa nzenzo nga mediwa lembi siwa mungwa?
Nga dimbu wa nti wina yo ntomo?
7 Kiasimba* lekwa yayi ko.
Ina nze madia mafwidi ngani.
8 Ekwe kele vo yatambula ina ndombele,O Nzambi kalungisa nsatu zame!
9 Ekwe kele vo Nzambi kakala ye luzolo lwa kunkosomona,Yo lambula koko kwandi kamponda!+
10 Diadi kuntwasila lufiaulwisu;Yadi timuka ye kiese kanele vo e mpasi zisakidi,
Kadi kibembwele mvovo mia Mvauki ko.+
11 Nga ngina ye ngolo muna kwamanana vingila?+
Nkia diambu diambote dikundwakila kuna ntwala, dina mfwete kwamanana zingila?*
12 Nga ngina ye ngolo nze tadi?
Nga nitu ame ya nsongo?
13 Nga ndenda kuyisadisaWau nkatwilu mawonso mansadisanga e?
14 Ndiona olembi songa walakazi* kwa nkwandi+
Obembwele vumi wa Mpungu-ngolo.+
15 E mpangi zame bampunini+ nze nkoko miyumanga,Nze maza ma nkoko miayuma muna nsungi a sivu.*
16 Miandombe mu kuma kia maza makangama,Muna muswekamenanga e mbungezi.
17 Kansi muna nsungi andi milalanga maza yo lwaka kumfoko;Avo kuyandukidi, miyumini.
18 E nzila zau zivengomweno;Milweke kuna makanga yo vila.
19 E buka y’akangadi a Tema+ bevavila mo maza;Akangadi Aneseba+ bevingila mo.
20 Bafusuka e nsoni kadi vuvu kiankatu babundidi mio;Balweke ko muna fusuka kaka nsoni.
21 Kadi i wau nukitukidi va meso mame;+Lumwene mpasi za lubangamu lwame, luzakamene ye wonga.+
22 Nga ‘lekwa yinulombele,’Yovo lukau inulombele muna kimvuama kieno?
23 Nga lomba yalomba vo yakûlwa vana moko ma mbeniYovo yavuluzwa* vana moko ma abangiki?
24 Nundonga, yakala e pi-i;+Nunsadisa yabakula vilwa wame.
25 E mvovo miaziku ke mitwasanga mpasi ko!+
Kansi, nkia nsendo ndenda vua muna tumbu kieno?+
26 Nga nuzolele tumba mvovo miame,E mvovo mia mundimbula vuvu,+ emi minatwa kwa tembwa?
27 Oyeno mpe lulenda tela mwan’a nsona e nkas’a mienze+Yo teka nkundi eno!+
28 Owau, nuviluka, nuntala,Kadi kivuna ko vana ndose eno.
29 Dodokolo, nutoma yindula—ke numfundisi ko—
Elo, nutoma yindula, kadi unsongi wame wakinu.
30 Nga vena yo vilwa vana lubini lwame?
Nga lubini lwame ke lulendi bakula lekwa kiambi ko e?
Mvovo vana yand'a lukaya
^ Yovo “mvovo mia losola-losola.”
^ Yovo “Moyo ame ke wasimba.”
^ Yovo “dina mfwete lambulwila e zingu kiame (moyo).”
^ Mvovo wa Kiyibere una ye nsasa vo: “zola ye walakazi ulembi suka.” Tala Nsas’a Mvovo. “Zola kulembi suka.”
^ Yovo “mbangala.”
^ Mvovo wa sina: “yakûlwa.”
