Yobi 8:1-22
8 I bosi, Biledade+ wa musi Nsuka+ ovutwidi vo:
2 “Yamu nkia kolo okwamanana vovela e mpila yayi?+
E mvovo mia nu’aku mina nze tembwa kiangolo.
3 Nga Nzambi obendomona unsongi,Yovo Mpungu-ngolo kabendomona e ziku?
4 Avo wan’aku Nzambi basumukina,Oyandi wayambula vo batumbwa mu kuma kia ukolami wau;*
5 Kele vo wavava Nzambi+Yo dodokela Mpungu-ngolo,
6 Kele vo wavelela kikilu yo kala nkwa unsongi,+Wadi kusia e sungididi*Yo kuvutulwila e fulu kiaku.
7 Kana una vo lubantiku lwaku lwandwelo,E mbaninu aku yanene yadi kala.+
8 Dodokolo, yuvula mbandu yavita,Yo sia sungididi mana mase mau bamona.+
9 Kadi yeto mazono twawutukidi, katuzeye diambu ko,Kadi e lumbu yeto va ntoto ina nze kini.*
10 Nga ke bekulonga ko,Yo kuvovesa mana bazeye?*
11 Nga mawu malenda kola vana vakondelo mayang’e?
E tutu nga dilenda kola kondwa kwa maza?
12 Ekolo mesavukanga yo lembi vuzwa,Meyuma vitila nti miankaka.
13 Eyayi i mbaninu* ya wantu awonso ana bevilakana Nzambi,Kadi e vuvu kia kimpumbulu* kidimbuka,
14 E vuvu kiau kiankatu kwandiE vuvu kiau kiazeza nze konde dia* sangangungu.
15 Oyekamena nzo andi, kansi ke isikila ko;Osimbinina yo kansi, ke isikila ko.
16 Una nze nti uyitilwanga maza vana mwini,E tayi yandi isayananga muna mpatu.+
17 E mianzi miandi mizingalakana vana matadi;Ovavidi e nzo vana vena matadi.*
18 Kansi avo ovuzilu* vana fulu kiandi,E fulu kikumvakulwilanga nkalu, oku vo: ‘Kiasidi kumona ko.’+
19 Kieleka, i wau kevidila;*+Akaka muna ntoto bevaikila.
20 Kieleka, Nzambi ke bembola awana besikilanga ye kwikizi ko;*Ngatu yikama* yimpumbulu,
21 Vo i ngeye, o Nzambi ozadisa nu’aku ye tusevoYe kazu kiakiese muna befo yaku.
22 Ana bekumenganga bevuikwa nsoni,E saba kia yimpumbulu ke kikala diaka ko.”
Mvovo vana yand'a lukaya
^ Mvovo wa sina: “wabayekola vana moko ma ukolami wau.”
^ Mvovo wa sina: “kusikamesa.”
^ Yovo “ninga.”
^ Yovo “Nga ke bevaikisa mana mena muna ntima miau ko?”
^ Mvovo wa sina: “i wau wina e nzila.”
^ Yovo “mvengomoki.”
^ Mvovo wa sina: “nzo ya.”
^ Yovo “otadidi nzo a matadi.”
^ Yovo “omininu.”
^ Yovo “e nzil’andi i wau ividila.”
^ Yovo “ke bembola minkondwa-kuma ko.”
^ Mvovo wa sina: “simba moko ma.”
