Yobi 9:1-35
9 Yobi ovutwidi vo:
2 “Nzeye wo vo i wau dina.
Kansi, o mpasi muntu aweyi kalenda kadila ye ndungidi muna mfundu yo Nzambi?+
3 Avo muntu ozolele tantana yo Nzambi,*+Ke lenda vana mvutu ko kana mu diambu dimosi muna funda dia yuvu kekunyuvula.
4 Yandi nkwa ntim’a ngangu, osundidi muna nkuma.+
Nani olenda kuntelamena yo lembi mona e mpasi?+
5 Okatulanga miongo, kansi wantu ke bezayanga wo ko;Okindulanga mio muna makasi mandi.
6 Onikunanga ntoto vana fulu kiandi,I dianu malunzi mandi mezakamenanga.+
7 Okanikinanga ntangwa yalembi temokaYo kakidila ntemo a ntetembwa;+
8 Oyalumunanga e zulu yandi mosi,+Yo diatila vana mavuku manene ma kalunga.+
9 Wavanga buka ya ntetembwa za Ase,* Kesile* ye Kima+Ye buka ya ntetembwa za Sude;*
10 Ovanganga lekwa yanene, yalembi fimpakana,+Mambu masivi malembi tangakana.+
11 Oviokele vana ngina, kansi kimwene ko;Oviokele vana ndambu ame, kansi kimvisidi ko.
12 Avo okutumwini lekwa, nani okunsima?
Nani olenda kumvovesa vo, ‘Adieyi ovanganga?’+
13 Nzambi ke vilula makasi mandi ko;+Kana nkutu asadisi a Rakabi*+ bamfukamene.
14 Kele vo yamvana e mvutu,Mvovo yadi sola muna vovana yandi!
15 Kana nkutu vo yakala ye ndungidi, kiadi kumvana mvutu ko.+
Yadi dodokela kaka mfundisi ame* kamfwila e nkenda.
16 Avo imbokele, nga okumpana e mvutu?
Kikwikidi ko vo owá nding’ame,
17 Kadi okunkosomona muna tembwaYo wokesa e mputa zame kondwa kuma.+
18 Kangiambwidi ko yatevola;*Owokesanga e mpasi zame.
19 Avo diambu ditadidi ngolo, yandi i nkwa ngolo.+
Avo diambu ditadidi unsongi, ovovele vo: ‘Nani olenda kumfundisa?’*
20 Avo ndungidi yadi kala yau, o nu’ame wadi kumpana e ngielele;Kana nkutu nsongele ziku,* okungikila vo i nkwa ngielele.*
21 Kana nkutu ntatididi ziku kiame,* kizeye ko dina dikumbwila;*Mbengene* moyo ame.
22 Kavena kwandi nswaswani ko. I dianu mpovele vo:‘Ofwasanga minkondwa-kuma* kumosi ye yimpumbulu.’
23 Avo kizalu kivondele kuna kinsalukisa,Seva kadi seva e mpasi za minkondwa kuma.
24 Oyekwele nza vana moko ma kimpumbulu;+Ofukidi meso* m’afundisi.
Avo ke yandi ko, ozevo nani?
25 Owau, e lumbu yame ilutidi nswalu ke mu ntikuni ko;+Itinini lembi mona o wete.
26 Iviokele nzaki nga nzaza za mawu,Nze ngo-zulu zikulumukinanga e mbizi.
27 Avo mpovele vo: ‘Ivilakana ngidimu ame,Isoba mpw’ame yo yangalala,’
28 Ikala kaka ye wonga mu kuma kia mpasi zame zawonso,+Nzeye wo vo kukumbadikila ko se munkondwa-kuma.
29 Ngielele kaka ivewa.
Ozevo, ekuma ifuntukina e nkatu?+
30 Avo ikisukwidi muna maza ma mvul’ampembe,Yo velelesa moko mame muna sabuni,*+
31 Okuntuba muna wulu dia ntebe,Idianu vo e mvuatu miame nkutu mikumbenga.
32 Kadi yandi ke muntu ko nze mono yamvana e mvutu,Yovo twenda fundana kuna mbazi a nkanu.+
33 Kavena muntu ko okutuzengela e diambu,*Ona olenda kala se mfundisi eto.*
34 Kele vo kangiambula kungwanda,*Yo yambula kumbwesesa wonga muna mambu mansisi,+
35 Yadi vovana yandi kondwa kwa wonga,Kadi kikalanga ye wonga wa vova ko.
Mvovo vana yand'a lukaya
^ Yovo “ozolele kunata kuna mbazi a nkanu.”
^ Nanga i buka ya ntetembwa muna mpw’a Orione.
^ Nanga i buka ya ntetembwa za Peleyade muna mpw’a Ngombe.
^ Nanga i buka ya ntetembwa muna mpw’a Use Anene.
^ Mvovo wa sina: “masuku ma sude.”
^ Nanga mbizi ampwena ya kalunga.
^ Nanga, “mbeni ame kuna mbazi a nkanu.”
^ Yovo “yafulumuna.”
^ Mvovo wa sina: “kumbokelesa.”
^ Yovo “Kana nkutu i munkondwa kuma.”
^ Mvovo wa sina: “i mbendomoki.”
^ Yovo “Kana nkutu i munkondwa kuma.”
^ Yovo “kizeye moyo ame ko.”
^ Yovo “Mvezele; Bembwele.”
^ Yovo “akwa ziku.”
^ Mvovo wa sina: “mpolo.”
^ Yovo “ntoto ampolo.”
^ Yovo “okala se nkambakani eto.”
^ Mvovo wa sina: “Kasia koko muna yeto awole.”
