Yoele 1:1-20
1 Ediadi i diambu dia Yave diayiza kwa Yoele* wa mwan’a Petuele:
2 “Nuwá ediadi, e yeno akuluntu,Nutamba matu, e yeno nkangu wawonso wa nsi.*
Nga diambu dia mpila yayi diavangama kala omu lumbu yenoYovo muna lumbu ya mase meno?+
3 Nusamuna dio kwa wan’eno,O wan’eno yambula basamuna dio kwa wan’au,O wan’au basamuna dio kwa mbandu ilanda.
4 Kina kiasisa makonko ma mbiki, e vuku kia makonko badidi kio;+Kina kiasisa vuku kia makonko, makonko makondwa e nsala badidi kio;Kina kiasisa makonko makondwa e nsala, makonko ma loko badidi kio.+
5 Nusikama, e yeno nduvu za malavu,+ nudila!
Nuyayana, e yeno awonso anue a vinyu,Kadi e vinyu anzenzo ikatwilu muna nua mieno.+
6 Kadi zula kimosi kitombokele muna nsi ame, zula kia ngolo, kiakondwa lutangu.+
O meno mandi nze ma nkosi,+ e matokolo mandi nze ma nkosi.
7 Kifwatakese nsing’ame a vinyu yo sisa nsand’ame se vindi diankatu,Okolomwene mio emvimba, ovetele mio kuna mbazi,Osisidi tayi yandi yankatu.
8 Nudila nze ndumba* ovuete ngotoMu kuma kia toko diansompi dia* kileke kiandi.
9 Tukau twa mbwaza+ ye tukau twa ndua,+ tumene muna nzo a Yave;Anganga, selo ya Yave bedilanga.
10 E mpatu ifwasakeso, o ntoto udilanga;+Kadi o masa mafwatakeso, e vinyu yampa iyumini, o mazi mamene.+
11 Avati bamwene wonga, avati a vinyu bedilanga,Mu kuma kia witi ye bale;Kadi e mbongo ifwasilu muna mpatu.
12 E nsing’a vinyu uyumini,E nsanda ulengele.
O nti a nganata,* e ba ye nti a pome,E nti miawonso mia mpatu miyumini;+Kadi e kiese kikitukidi se nsoni vana vena nkangu.
13 Nuvuata ngoto yo dila, yeno anganga;Nudila, yeno aselo nusadilanga vana ziku.+
Nukota, nualekela muna ngoto, yeno selo ya Nzambi ame;Kadi lukau lwa mbwaza+ ye lukau lwa ndua+ luvuidi muna nzo a Nzambi eno.
14 Nuboka nkoki a* mfionkonona;* nuboka nkoki a lukutakanu lwampwena.+
Nukutakesa akuluntu yo nkangu wawonso a nsi,Muna nzo a Yave wa Nzambi eno,+ nukaza kwa Yave.
15 Ekwe lumbu kiakina!
Kadi e lumbu kia Yave kifinamene,+Kikwiza nze lubukumuku lutuka kwa Mpungu-ngolo!
16 Nga madia ke makatwilu ko ova meso meto,Kiese yo nkembo muna nzo a Nzambi eto?
17 E nkuna* ilengele vana pawu zau.
Malundilu masidi nkatu.
Malundilu mabangwilu, kadi masa mayumini.
18 O makambi nkutu mebumanga!
E ngombe mu tungiana zina, kadi madilu nkatu!
O mameme manete tumbu.
19 Ngeye mbokele, e Yave;+Kadi o tiya tubomwene madilu ma makanga,E nlaku a tiya uyokele nti miawonso mia mpatu.
20 E bulu ya mfuta nkutu ikulakukilanga o moyo,Kadi nkoko miyumini,E tiya tubomwene madilu ma makanga.”
Mvovo vana yand'a lukaya
^ Ina ye nsasa vo: “Yave i Nzambi.”
^ Yovo “nza.”
^ Yovo “mwenze.”
^ Yovo “nkaz’a.”
^ I sia vo, bundu kina nze ngavua yovo mfuluta.
^ Mvovo wa sina: “Nuvaula.”
^ Yovo “mina nsoki.”
^ Nanga, “bundu ya nsanda yayuma.”
