Yoele 2:1-32
2 “Nusika mpungi muna Zione!+
Nukaza kazu kia vita vana mongo ame avauka,Yambula nkangu awonso wa nsi* wazakama,Kadi e lumbu kia Yave kilweke!+ Kifinamene!
2 Lumbu kia tombe yo lomboka,+Lumbu kia matuti ye tombe kina e bû,+Nze ntemo a nkielelo muna miongo.
Vena ye nkangu ayingi ye wankuma;+Ke vasidi kala nkangu ko nze wau,Ke vekala diaka nkangu wankaka koMuna mvu mia mbandu zawonso.
3 Kuna ntwal’au kuna ye tiya twambomoni,Kuna nim’au kuna ye nlaku a tiya tuyokanga.+
E nsi ina kuna ntwal’au ina nze mpatu a Edene,+Kuna nim’a nsi kuna ye makanga mankatu,Ke vena lekwa ko kilenda vuluka.
4 E mpwa zau nze mpwa za mvalu,Betikunanga nze mvalu.+
5 E zú diau nze zú dia makalu ma vita vava betimukanga vana ntandu a miongo,+Nze mazu ma nlaku a tiya tuyokanga e titi.
Nze nkangu angolo ukubamene mu nuana vita.+
6 E nkangu beyangama ntima mu kuma kiau.
E mpolo zawonso zikangama.
7 Benuana nze makesa,Bemanta yaka nze masoladi,Konso muntu osingama muna nzil’andi,Ke bevengomokanga muna nzila zau ko.
8 Ke benunguna muntu yo nkwandi ko;Konso muntu osingama mu nzila andi.
Avo akaka babwididi muna nkele,*Akaka ke bekatuka muna nlong’a vita ko.
9 Bekota muna mbanza, belundumukina muna yaka.
Bemanta muna zinzo, bekotela muna zianela nze mivi.
10 Vana bena e nsi izakamanga, e zulu dibakukini.
E ntangwa ye ngonde ibukamene tombe,+O ntemo a ntetembwa uladidi.
11 Yave otumbula nding’andi vana vena vu kia makesa mandi,+ kadi o makesa muna ndo andi ulolo.+
Ndiona olungisanga diambu Diandi, nkwa nkuma;Kadi e lumbu kia Yave kianene ye kiambubu.+
Nani olenda kio zizidila?”+
12 “Kana nkutu owau,” u kavovele o Yave, “nuvutuka kwa mono ye ntim’eno wawonso,+Ye mfionkonona*+ ye dilu yo yayana.
13 Nutiazuna ntima mieno,+ ke mvuatu ko,+Nuvutuka kwa Yave wa Nzambi eno,Kadi nkwa ngemba ye nkenda, ke funganga makasi mu nzaki ko+ ye nkwa walakazi* wayingi,+Ovutuka manima* muna mpasi zina kakanini twasa.
14 Nani ozeye kana vo kevutuka manima ko ye kuyibanza+Yo suvisa nsambu,Lukau lwa mbwaza ye lukau lwa ndua kuna kwa Yave wa Nzambi aku?
15 Nusika mpungi muna Zione!
Nuboka nkoki a* mfionkonona;* nuboka nkoki a lukutakanu lwampwena.+
16 Nukutakesa nkangu, nuvaula nkutakani.+
Nubokelesa ambuta;* nukutakesa yingiana-ngiana ye nsedia.+
Yambula toko diansompi kavaika muna suku diandi, e ndumb’ansompi kavaika muna suku diandi.
17 Vana kati kwa veta kia mwelo ye ziku+Yambula anganga, selo ya Yave badila yo vova vo:‘Fwila nkangu aku nkenda, e Yave;Kuyambula ko vo e vua diaku diakituka se kuma kia luvezo,Muna yambula vo e zula yabayala.
Ekuma nkangu bevovele vo: “Akweyi kena o Nzambi au?’”+
18 I bosi, Yave otanina nsi andi yo vema kwawonsoYo fwila nkangu andi e nkenda.+
19 Yave ovutula kwa nkangu andi vo:‘Ikunutwikila masa, vinyu yampa yo mazi,Oyeno nuyangalala kikilu;+Kiyambula diaka ko vo nuakala se luvezo vana vena zula.+
20 Awana betuka kuna node ikubavavula oku wina;Ikubamwanganesa muna nsi a makanga ye mfuta,E makesa mandi mekuntaninanga kuna ntwala, mekala kuna mbu a este*E makesa mandi mekuntaninanga kuna nima, mekala kuna mbu a weste*E nsudi andi itomboka,E nsudi andi yawola ikwamanana tomboka;+Kadi Nzambi mambu manene kevanga.’
21 Kumoni wonga ko, e nsi.
Yangalala yo mona kiese, kadi Yave mambu manene kevanga.
22 Ke numoni wonga ko yeno bulu ya mfuta,Kadi madilu ma makanga, mesavuka,+E nti miyima bundu;+E nsanda ye nsing’a vinyu uyima bundu yayingi.+
23 Numona kiese, e yeno wan’a Zione, nuyangalala muna Yave wa Nzambi eno;+Kadi okunuvana mvula za kintombo muna tezo kiafwana,Okununokesena mvula zayingi,Mvula za kintombo ye mvula za masanza nze kuna lubantiku.+
24 Mabundilu mezala ye masa mambote,E makaminu mesempoka ye vinyu yampa ye mazi.+
25 Ikunusenda mu kuma kia mvu mina yatwika vu kiame kianene vovo nuina,Vuku kia makonko, makonko ma mbiki, makonko makondwa nsala, makonko ma loko,Mana madia masa meno.+
26 Kieleka oyeno nudia yo yukuta,+Nukembelela nkumbu a Yave wa Nzambi eno,+Ona ovangidi masivi muna wete dieno;O nkangu ame ke ufusuka diaka nsoni ko.+
27 Nusinga wo zaya vo ngina vana kati kwa Isaele+Mono i Yave wa Nzambi eno+—ke vena wankaka ko!
O nkangu ame ke ufusuka diaka nsoni ko.
28 I bosi, ibungula mwand’ame+ kwa wantu a mpila zawonso,O wan’eno amakala ye wan’eno amakento besakula,Anunu eno belota ndozi,Matoko meno bemona e mona-meso.+
29 Muna lumbu yayina, ibungula nkutu o mwand’ameMuna ntaudi zame zamakala ye zamakento.
30 Isonga masivi* kuna zulu ye va ntoto,Menga, tiya ye malunzi ma mwisi.+
31 E ntangwa ikituka se tombe, e ngonde ikituka se menga+Una ke kiayizidi ko e lumbu kia Yave, kianene ye kiansisi.+
32 Konso ona ovovela nkumbu a Yave, ovuluzwa;+Kadi muna Mongo a Zione ye muna Yerusalame mukala awana bevuluka,+ nze una kavova o Yave,Ana bevuluka i yau kebokelanga Yave.”
Mvovo vana yand'a lukaya
^ Yovo “nza.”
^ Yovo “maswanga.”
^ Yovo “mina nsoki.”
^ Yovo “Okuyibanza.”
^ Mvovo wa Kiyibere una ye nsasa vo: “Zola ye walakazi ulembi suka.” Tala Nsas’a Mvovo. “Zola kulembi suka.”
^ Mvovo wa sina: “Nuvaula.”
^ Yovo “mina nsoki.”
^ Yovo “akuluntu.”
^ I sia vo, “Mbu Afwa.”
^ I sia vo, “Mbu a Mediterrâneo.”
^ Yovo “sinsu.”
