Yoele 3:1-21
3 “Nutala, muna lumbu yayina ye ntangwa yayina,Vava ivutula abakami a Yuda ye Yerusaleme,+
2 Ikutakesa mpe zula yawonsoYabakulumuna muna ndimb’a Yosafate.*
I mûna ikubafundisila+Muna wete dia nkangu ame ye vua diame, Isaele,Kadi babamwanganesa muna zula,Yo kayana e nsi ame.+
3 Kadi batelele nkangu ame nkas’a mienze;+Batekele mwan’ayakala kimana bafuta nkembi,*Batekele mwan’ankento kimana basumba vinyu, banua.
4 Nkia diambu numbakidi,E Turo, Sidone ye zunga yawonso ya Felesetia?
Nkia lekwa nukunsenda?
Avo senda nukunsenda,Nzaki ivutula nsendo muna ntu mieno.+
5 Wau vo nubongele palata ame ye wolo,+Nunete tusalu twame twantalu muna tempelo zeno;
6 Nutekele nkangu a Yuda ye Yerusaleme kwa Mingerekia,+Kimana nuabavavula muna mvivu au;
7 Ikubatwasa tuka kuna fulu nuabatekela,+Yo vutula nsendo muna ntu mieno.
8 Teka iteka wan’eno amakala ye amakento vana moko ma nkangu a Yuda,+Oyau bekubateka kwa esi Seba, zula kina kwandá;Kadi yandi kibeni Yave ovovele wo.
9 Nusamuna diadi muna zula:+‘Nukubama muna* vita! Nubundumuna makesa!
Yambula makesa mawonso mafinama, yambula matomboka!+
10 Nukitula nsengo zeno se nsosolo, e zengelwa yeno ya titi se madionga.
Yambula ntovoki kavova vo: “I nkwa ngolo.”
11 Nuiza, nusadisa muntu yo nkwandi, e yeno zula yawonso ina lukufi, nukutakana!’”+
E Yave, kulumuna makesa maku va fulu kiakina.
12 “Yambula e zula yatelama, beza kuna ndimb’a Yosafate;Kadi i kuna ivuandila yafundisa e zula yawonso ina lukufi.+
13 Nukotesa sakilwa, kadi e mbongo ibweke.
Nukulumuka yo diata kadi e kaminu dia vinyu dizele.+
Makaminu ma vinyu masempokele kadi o bi wau wingi.
14 Ndonga, ndonga ina muna ndimb’a nzengo,Kadi e lumbu kia Yave kifinamene muna ndimb’a nzengo.+
15 E ntangwa ye ngonde ikituka se tombe,O ntemo wa ntetembwa ulala.
16 O Yave okwita muna Zione nze nkosi,Otatula ndinga muna Yerusaleme.
E zulu ye nza inikuka;Kansi Yave okala se tininu kwa nkangu andi,+
E swekemeno kwa nkangu andi Isaele.
17 Zaya nuzaya wo vo i Yave wa Nzambi eno, ona okalanga muna Zione, mongo ame avauka.+
Yerusaleme ikituka se fulu kiavauka,+Ke muviokela diaka anzenza ko.+
18 E lumbu kiakina, e miongo misonsa vinyu yanzenzo,+E kundubulu ifwafumuka kimvumina,E nkoko mia Yuda mikukula maza,Tuka muna nzo a Yave mukulula e nto,+Ina imwanginina ndimba ye nti mia akasia.
19 Engipito ikituka se mfuta,+Edome ikituka se makanga,+Muna kuma kia nsoki bakotela nkangu a Yuda,+E nsi zina babungulwila menga ma munkondwa-kuma.+
20 Vo i Yuda izingilwa yakwele mvu,E Yerusaleme muna mbandu ke mbandu.+
21 Loloka iloloka nkanu au a menga una yalembi loloka;+O Yave ozingila muna Zione.”+
Mvovo vana yand'a lukaya
^ Ina ye nsasa vo: “Yave i Mfundisi.”
^ Yovo “nkento a ndumba.”
^ Mvovo wa sina: “Nuvaula.”
