Yona 2:1-10
2 Yona osambidi kwa Yave wa Nzambi andi tuka muna vumu kia mbizi a maza,+
2 ovovele vo:
“Muna mpasi zame, mbokele Yave, oyandi umpen’e mvutu.+
Muna Ziami* kiakoboka* ndombele lusadisu.+
Owidi ndinga ame.
3 Vava wantuba muna sina, muna ngudi a ntim’a kalunga,E nkukul’a maza yimbinini.+
E mavuku maku mampwena mampiokele.+
4 Mpovele vo: ‘Ngingilu vana ndose aku!
Aweyi itadila diaka e tempelo aku yavauka?’
5 E maza mambinini yo sia moyo ame mu vonza.+
E maza masina manzietele.
E ntu ame uzingalakene titi ya kalunga.
6 Nkulumukini yakuna masina ma miongo.
E mbindi za ntoto zimbindikidi yakwele mvu.
Kansi, otombwele moyo ame muna wulu, e Yave wa Nzambi ame.+
7 O moyo ame vava uyoyele, ngindwidi Yave.+
Ozevo, e sambu kiame kilweke kwa ngeye, muna tempelo aku yavauka.+
8 Awana besambilanga teke yakondwa mfunu, babembwele nto a walakazi.*
9 Vo i mono, ikukelela yimenga muna mvovo mia matondo.
E diambu dina nsididi nsilu, ilungisa dio.+
Luvuluzu kwa Yave lutuka.”+
10 I dianu vo Yave okanikini mbizi a maza, ozevo mbizi a maza ilukidi Yona vana ntoto ayuma.
Mvovo vana yand'a lukaya
^ Yovo “Seol,” i sia vo, ziami kia wantu awonso. Tala Nsas’a Mvovo.
^ Mvovo wa sina: “Muna vumu.”
^ Mvovo wa Kiyibere una ye nsasa vo: “Zola ye walakazi ulembi suka.” Tala Nsas’a Mvovo. “Zola kulembi suka.”
