Yona 3:1-10
3 E diambu dia Yave dizidi kwa Yona mu nkumbu anzole, oku vo: +
2 “Telama, wenda kuna Ninive+ e mbanza ampwena, wasamuna nsangu ikuzayisa.”
3 Muna lemvokela e nding’a Yave,+ Yona otelamene wele kuna Ninive.+ E Ninive mbanza yampwena,*—lumbu tatu yavavuanga muna zieta mbanza yawonso.
4 Yona okotele muna mbanza, odiete mo lumbu kiamvimba yo samuna vo: “Lumbu 40 kaka isidi, e Ninive ifwaswa.”
5 Esi Ninive bakwikidi muna Nzambi,+ babokele nkoki a fionkonona* yo vuata ngoto, tuka muna nleke yamuna mbuta.
6 E nsangu zilweke kwa ntinu a Ninive, okatukidi vana kunda kiandi kia kimfumu, okatwidi mvuatu miandi mia kintinu, ovuete ngoto yo fonga vana ntoto ampolo.
7 Obokelese nkoki muna Ninive yawonso, oku vo:
“Muna lutumu lwa ntinu ye mbanda-mbanda zandi, ke vena muntu ko oyeleka lekwa, kana bulu, kana ngombe yovo meme. Ke badie ko ngatu nua maza.
8 Bavuata ngoto diakala wantu yovo bulu; badodokela Nzambi yo yambula nsoki ye mavangu mau mambi.
9 Nani ozeye kana vo Nzambi aludi olenda soba ngindu yo vengomona makasi mandi kimana twalembi fwa?”
10 Vava Nzambi aludi kamwene mana bavangidi, bavilukidi muna nzila zau zambi,+ osobele ngindu zandi muna mbi ina kakanini kubavanga, kavangidi yo ko.+
