Yosua 1:1-18
1 Vava Mose wa ntaudi a Yave kafwa, Yave ovovese Yosua*+ wa mwan’a Nuni, wa selo+ kia Mose vo:
2 “Mose wa selo kiame wafwidi.+ Owau telama, sauka Yodani, ongeye yo nkangu wau wawonso, o nkangu a Isaele,+ nuenda kuna nsi ina ikubavana.
3 Ikunuvana konso fulu kina nudiata, wauna yasila o nsilu kwa Mose.+
4 E nsi eno iyantikila kuna makanga, ikwenda yakuna Lebanone ye nzadi anene a Uferate—e nsi yawonso ya Anekete+—yakuna Mbu Anene* kuna weste.*+
5 Ke vena muntu ko okutelamena e lumbu yawonso ya zingu kiaku.+ Ikala yaku+ wauna yakadila yo Mose. Kikuyambula ko ngatu kubembola.+
6 Kala yo unkabu, kumama,+ kadi ngeye osadisa nkangu wau bavua e nsi ina yadila mase mau e ndofi vo, ikubavana yo.+
7 “Kala yo unkabu, kumama kaka, toma lunda Nsiku wawonso una Mose wa selo kiame kakanikina. Kuvengomoki wo ko kana kuna lunene ngatu kuna lumonso,+ wakala ye ngangu muna mawonso ovanga.+
8 O nkanda wau wa Nsiku ke ufwete vavuka mu nu’aku ko,+ tanganga wo muna ndinga yakuluka* fuku yo mwini, kimana watoma lunda mawonso masonama mo;+ kadi i nsingika osingika nzila zaku yo vanga owu wa ngangu.+
9 Nga kikanikini ko? Kala yo unkabu, kumama. Kuvumiswa ko ngatu mona wonga, kadi Yave wa Nzambi aku okala yaku konso kuna okwenda.”+
10 I bosi, Yosua okanikini akuluntu a nkangu vo:
11 “Nuviokela muna ndo yawonso yo kanikina nkangu vo: ‘Nukubika madia, kadi lumbu tatu isidi nusauka Yodani yo vua e nsi ina Yave wa Nzambi eno kekunuvana nuavua yo.’”+
12 Yosua ovovese Anerubeni, Anengadi ye bula-kati kwa kanda dia Manase vo:
13 “Nusungamena diambu dina kanukanikina o Mose wa selo kia Yave vava kavova vo:+ ‘Yave wa Nzambi eno okunuvundisa yo kunuvana e nsi yayi.
14 Akazi eno, wan’eno ye twelezi yeno bezingila mwamu nsi kanuvana Mose kwaku simu* dia Yodani.+ Kansi, yeno awonso amakesa,+ nuvuata nuaninua yo sauka, nuavita kuna ntwal’a mpangi zeno.+ Nufwete kubasadisa
15 yavana Yave kevana e vundu kwa mpangi zeno, nze i yeno, kimana bavua e nsi ina Yave wa Nzambi eno kekubavana. I bosi nuvutuka mu nsi eno akukivuila nuavua yo, e nsi kanuvana o Mose wa selo kia Yave kuna simu dia Yodani,+ kuna este.’”
16 Bavutwidi Yosua vo: “Mawonso utukanikini i mau tuvanga, konso kuna okututuma i kwau tukwenda.+
17 Wauna twawila Mose muna mawonso kavova, ongeye mpe tukuwila. O Yave wa Nzambi aku kakala kaka yaku wauna kakadila yo Mose.+
18 Konso muntu otelamena lutumu lwaku yo lembi lemvokela mawonso okunkanikina, vondwa kevondwa.+ Kala kaka yo unkabu, kumama.”+
Mvovo vana yand'a lukaya
^ Ina ye nsasa vo: “Yave i Luvuluzu.”
^ I sia vo, Mediterrâneo.
^ Yovo “kuna kudimukinanga e ntangwa.”
^ Yovo “yindulanga wo.”
^ I sia vo, ku ndambu a este.
