Yosua 11:1-23
11 Yabini wa ntinu a Kaso vava kawidi wo, otwikidi nsangu kwa Yobabe wa ntinu a Madone,+ kwa ntinu a Simerone ye kwa ntinu a Akesafe,+
2 kuna kwa atinu ana bakala kuna node, muna zunga kia miongo, ana bakala muna ndimba,* kuna sude a Kinerete, ye ana bakala kuna Sefela ye muna miongo mia Dore,+ kuna weste,
3 kuna kwa Anekenani+ kuna este ye kuna weste, Aneyamore,+ Anekete, Aneperese, Aneyebuse kuna zunga kia miongo ye Anekivi+ kuna nsi ya Keremone+ muna nsi ya Misepa.
4 Muna kuma kiaki, bavaikidi ye makesa mau mawonso ye nkangu ayingi nze senge vana kumu dia mbu ye ulolo wa mvalu ye makalu ma vita.
5 Ntinu miami miawonso bakutakene yo kiatama kuna maza ma Merome, banuanisa Isaele.
6 Yave ovovese Yosua vo: “Kubamoni wonga ko,+ kadi o mbazi e ntangwa yayi, ikubayekola vana moko ma Isaele, nuabavonda. Nuzenga mianzi mia malu ma mvalu miau+ yo yoka makalu mau ma vita.”
7 Yosua ye makesa mawonso babalwakidi yo kubanuanisa kuna kinsalukisa kuna maza ma Merome.
8 Yave ubayekwele vana moko ma Isaele,+ babatufakese yo kubalakama yakuna Sidone Ampwena+ ye kuna Miserefote-maimi+ yo Ndimb’a Misepa kuna este, babavondele yavana kabasisidi mosi ko.+
9 Yosua ubavangidi wauna kavoveswa kwa Yave; ozengele mianzi mia malu ma mvalu miau yo yoka makalu mau ma vita.+
10 Yosua ovutukidi yo baka Kaso, ovondele ntinu andi muna nsosolo,+ kadi Kaso yateka kala se ntu a yintinu yayina yawonso.
11 Bavondele awonso* bakala mo muna nsosolo yo kubafukisa.+ Ke vasala mosi ko ona ofulumunanga.+ I bosi oyokele Kaso.
12 Yosua obakidi mbanza zawonso za ntinu miami, ovondele ntinu miau miawonso muna nsosolo.+ Ubabukumwini+ nze una Mose wa ntaudi a Yave kakanikina.
13 Vo i mbanza zakala vana miongo, o Isaele kayoka zo ko, mbanz’a Kaso kaka ina Yosua kayoka.
14 Aneyisaele basanzidi e mbanza zazi zawonso ye twelezi yau.+ Vo i wantu awonso babavondele muna nsosolo yavana bamene kubafukisa.+ Ke basisidi mosi ko ona ofulumunanga.+
15 Wauna Yave kakanikina Mose wa ntaudi andi, i una mpe Mose kakanikina Yosua,+ i una mpe Yosua kavangidi. Ke vena diambu ko kalembi vanga muna mawonso Yave kakanikina Mose.+
16 Yosua obakidi nsi yayina yawonso, zunga ya miongo, Nengebe+ yawonso, nsi yawonso ya Ngosene, Sefela+ ye Araba+ ye zunga yawonso ya miongo ya Isaele ye Sefela andi,*
17 tuka kuna Mongo a Kalaki una waluaka kuna Seyire yakuna Bale-ngadi+ kuna Ndimb’a Lebanone, yakuna nsi a Mongo a Keremone;+ obakidi ntinu miandi miawonso yo kubavonda.
18 Yosua, kolo kiayingi kanuana ye ntinu miami.
19 Ke vakala mbanza ko yavanga ungudi ye Aneyisaele, Anekivi kaka ana bazingilanga kuna Ngibone.+ Babakidi mbanza zawonso muna vita.+
20 Yave wabadisa e ntima+ miau banuanisa Isaele kimana kabafwasa lembi kubafwila e nkenda.+ Bafukiswa emvimba nze una Yave kakanikina Mose.+
21 Muna ntangwa yayina, Yosua ofukisi Aneyanaki+ vana zunga kia miongo, tuka kuna Kerebone ye Debi ye Anabi ye zunga kiawonso kia miongo mia Yuda ye zunga kiawonso kia miongo mia Isaele. Yosua ubafukisi emvimba ye mbanza zau.+
22 Ke mwasala mosi ko+ muna Aneyanaki muna nsi ya Aneyisaele; muna Ngaza,+ Ngati+ ye Asedode+ kaka basadila.
23 Yosua obakidi nsi yawonso wauna Yave kasila o nsilu kwa Mose,+ Yosua ovene yo se fwa kwa Isaele bakayana yo muna makanda mau.+ E nsi ivuvamene muna vita.+
