Yosua 13:1-33
13 Yosua onunini, e mvu miandi se miayingi.+ Yave umvovese vo: “Onunini kwaku, mvu miaku se miayingi; kansi e ndambu a nsi isidi mu baka, yanene kikilu.
2 I yau yiyi e ndambu a nsi isidi:+ zunga yawonso ya Afelesetia ye Mingesu awonso+
3 (tuka kuna nsuku a Nile* wina kuna Engipito kuna este,* yakuna mwingilu a Ekerone kuna node, zunga kiabadikilwanga vo kia Anekenani)+ kumosi ye zunga ya mfumu tanu za Afelesetia+—esi Ngaza, esi Asedode,+ esi Asekelone,+ esi Ngati+ ye esi Ekerone;+ zunga kia Aneyavi+
4 kuna sude; nsi yawonso ya Anekenani; Mara ina yavuwa kwa esi Sidone,+ yakuna Afeke kuna mwingilu a Aneyamore;
5 nsi ya Anengebale+ ye Lebanone yawonso kuna este, tuka kuna Bale-ngadi yakuna nsi a Mongo a Keremone yakuna Lebo-Kamati;*+
6 nkangu wawonso wa zunga kia miongo tuka kuna Lebanone+ yaku Miserefote-maimi;+ ye esi Sidone awonso.+ Yinga ikubayinga vana vena Aneyisaele.+ Ongeye okayanesa yo kwa Aneyisaele se fwa diau, wauna yakanikina.+
7 Ozevo, kayanesa nsi yayi se fwa kwa makanda vua ye bula-kati kwa kanda dia Manase.”+
8 O Anerubeni yo Anengadi ye ndambu a kanda diankaka, batambula e fwa diau dina kabavana Mose kuna simu dia Yodani kuna este, dina Mose wa ntaudi a Yave kabavana:+
9 tuka kuna Arowa+ ina vana ndambu a Ndimb’a Arenone+ ye mbanza ina vana kati kwa ndimba ye nzanza wawonso wa Medeba yakuna Dibone;
10 ye mbanza zawonso za Sikone wa Ntinu a Aneyamore ona wayala kuna Kesebone yakuna mwingilu a Aneyamone;+
11 ye Ngiladi ye zunga kia Mingesu yo Anemaka+ ye Mongo awonso a Keremone ye Basani+ yawonso yakuna Saleka;+
12 kimfumu kiawonso kia Onge kuna Basani ona wayala kuna Asitarote yakuna Ederei. (Yandi i nsadidila muna Anerefa.)+ Mose wabatufakesa yo kubayinga.+
13 Kansi Aneyisaele ke bayinga+ Mingesu ko ngatu Anemaka, kadi e Mingesu ye Anemaka bekalanga vana vena Aneyisaele yamu unu kiaki.
14 Kanda dia Levi kaka kavana vua ko.+ Kadi tukau twangioka tutambikwanga kwa Yave wa Nzambi a Isaele i vua diau+ nze una kabasila e nsilu.+
15 Mose ovene e vua kwa kanda dia Rubeni muna vumu yau,
16 e zunga kiau kiayantikilanga kuna Arowa ina vana ndambu a Ndimb’a Arenone, yakuna mbanza ina vana kati kwa ndimba, ye nzanza wawonso wa Medeba;
17 Kesebone ye mbanza zandi+ zawonso muna nzanza, Dibone, Bamote-bale, Bete-bale-mone,+
18 Yaza,+ Kedemote,+ Mefate,+
19 Kireyataime, Sibema+ ye Zerete-saka muna mongo wa ndimba-ndimba,
20 Bete-peo, ye miongo mia Pisenga,+ Bete-yesimote,+
21 e mbanza zawonso za nzanza ye kimfumu kiawonso kia Sikone wa ntinu a Aneyamore ona wayala muna Kesebone.+ Mose wamvonda+ ye mbuta za Midiani, Evi, Rekeme, Suro, Kure, Reba,+ ezazi i mbuta* zakala muna nsi ana batumamenanga Sikone.
22 Bilami+ wa mwan’a Beo wa ngang’a ngombo,+ mosi muna awana bavondelwa muna nsosolo kwa Aneyisaele.
23 Yodani i mwingilu a Anerubeni; e zunga kiaki, mbanza zandi ye mavata mandi i vua dia Anerubeni muna vumu yau.
24 Mose wavana mpe e vua kwa kanda dia Ngadi, kwa Anengadi muna vumu yau,
25 e zunga kiau tuka kuna Yaze+ ye mbanza zawonso za Ngiladi ye ndambu a nsi ya Aneyamone+ yakuna Arowa ina mantalani ye Raba;+
26 tuka kuna Kesebone+ yakuna Ramati-misepe ye Betonime, tuka kuna Makanaimi+ yakuna mwingilu a Debi;
27 kuna ndimba, kuna Bete-arama ye Bete-nimera+ ye Sukote+ ye Safone ye ndambu yasala ya kimfumu kia Sikone wa ntinu a Kesebone,+ e Yodani i mwingilu tuka kuna Mbu a Kinerete*+ kuna sude, yakuna simu dia Yodani kuna este.
28 Ediadi i vua dia Anengadi, muna vumu yau, mbanza ye mavata mau.
29 Mose wavana mpe vua kwa bula-kati kwa kanda dia Manase, bula-kati kwa kanda dia Manase muna vumu yau.+
30 E zunga kiau kiyantikidi kuna Makanaimi+ ye Basani yawonso ye kimfumu kia Onge wa ntinu a Basani ye mavata mawonso ma Yaire+ ma nzo za ngoto kuna Basani, mavata 60.
31 E ndambu ya Ngiladi ye Asitarote ye Ederei,+ mbanza za kimfumu kia Onge kuna Basani, zavewa kwa Anemakire+ wa mwan’a Manase, ndambu a wan’a Makire muna vumu yau.
32 Ediadi i vua kabavana o Mose vana ndimba muna makanga ma Moabe kuna simu dia Yodani kuna este a Yeriko.+
33 Kansi Mose kavana vua ko+ kwa kanda dia Levi. Kadi Yave wa Nzambi a Isaele i vua diau nze una kabasila o nsilu.+
Mvovo vana yand'a lukaya
^ Yovo “tuka kuna Siko.”
^ Mvovo wa sina: “mantalani.”
^ Yovo “fula dia Kamati.”
^ I sia vo, atinu ana bakala muna wisa kia Sikone.
^ I sia vo, yanga dia Ngenesarete yovo Mbu a Ngalili.
