Yosua 16:1-10
16 E nsi yavewa kwa wan’a Yosefe+ muna ntew’a nkas’a mienze,+ yayantikila kuna Yodani yakuna ntombok’a Yeriko, kuna maza ma Yeriko kuna este, yakuna makanga itombokele kuna Yeriko yakuna zunga kia miongo kia Betele.+
2 Itukidi kuna Betele ina lukufi ye Luzi, yele yakuna mwingilu wa Ayareka kuna Atarote,
3 ukulumukini kuna weste yakuna mwingilu wa Ayafelete yakuna mwingilu a Bete-korone+ ya Yanda ye Ngeze,+ yo sukila kuna mbu.
4 Wan’a Yosefe,+ Manase yo Eferaime batambwidi e vua dia nsi au.+
5 O mwingilu a wan’a Eferaime muna vumu yau, i wau wuwu: O mwingilu wa vua diau kuna Atarote-ada+ kuna este yakuna Bete-korone a Ntandu,+
6 o mwingilu ulweke kuna mbu. Mikemetate+ kuna node, o mwingilu uzietomokene kuna este yakuna Tanati-silo uviokele kuna este yakuna Yanoka.
7 Tuka kuna Yanoka ukulumukini kuna Atarote ye kuna Nara yo lwaka kuna Yeriko,+ wele yakuna Yodani.
8 Tuka kuna Tapuka+ o mwingilu uviokele kuna weste yakuna Ndimb’a Kana yo sukila kuna mbu.+ Ediadi i vua dia kanda dia Eferaime muna vumu yau;
9 wan’a Eferaime bakedi mpe ye mbanza muna kati kwa vua dia wan’a Manase,+ mavata mawonso ye mpatavata.
10 Kansi ke bayinga Anekenani ko ana bakala kuna Ngeze,+ Anekenani bekalanga vana kati kwa Aneferaime yamu unu kiaki,+ babakitwidi se abundu.+
