Yosua 17:1-18
17 I bosi, e nkas’a mienze+ ibwididi muna kanda dia Manase,+ kadi yandi i mwan’antete a Yosefe.+ Wau vo Makire+ wa mwan’antete a Manase wa se dia Ngiladi kesa dia vita kakala, otambwidi Ngiladi ye Basani.+
2 E nkas’a mienze ibwididi kwa bula-kati kwa kanda dia Manase muna vumu yau, kwa wan’a Abieze,+ kwa wan’a Keleke, kwa wan’a Aseriele, kwa wan’a Sekeme, kwa wan’a Kefe, kwa wan’a Semida. Awaya i wan’amakala a Manase wa mwan’a Yosefe, muna vumu yau.+
3 Kansi Zelofekade+ wa mwan’a Kefe wa mwan’a Ngiladi wa mwan’a Makire wa mwan’a Manase, kakala ye wana amakala ko, wan’amankento kaka, ezazi i nkumbu za wan’andi amankento: Makela, Noa, Kongela, Mileka yo Tiresa.
4 Basunzukidi vana vena Elaza+ wa nganga yo Yosua wa mwan’a Nuni ye kwa ntu mia Isaele, oku vo: “Yave wakanikina Mose vo katuvana e vua vana vena mpangi zeto.”+ Ozevo, muna lutumu lwa Yave, Elaza ubavene e vua vana vena mpangi za se diau.+
5 Kunku kumi yiveno kwa Manase, vana ntandu a Ngiladi ye Basani kuna simu dia* Yodani,+
6 kadi wan’amankento a Manase batambula e vua diau kumosi ye wan’andi amakala, wana akaka amakala a Manase bavua e nsi ya Ngiladi.
7 O mwingilu a zunga kia Manase uyantikidi kuna Asere yakuna Mikemetate,+ ina mantalani ye Sekeme,+ wele yakuna sude* kuna nsi esi Ene-tapuka.
8 E nsi a Tapuka+ yakituka se ya Manase, kansi e mbanz’a Tapuka ina kuna mwingilu a zunga kia Manase yavuwa kwa wan’a Eferaime.
9 O mwingilu ukulumukini kuna Ndimb’a Kana, kuna sude a ndimba. Muna mavata ma Eferaime mwakala mpe mavata ma Manase,+ o mwingilu a Manase ukedi kuna node a ndimba yo sukila kuna mbu.+
10 E zunga kia sude kia Eferaime, e zunga kia node kia Manase, e mbu i mwingilu andi;+ o mwingilu a Manase walwakanga kuna Asire kuna node, o Yisakare kuna este.
11 Muna zunga ya Yisakare ye Asere, o Manase oveno Bete-sana ye mavata mandi,* Yibelame+ ye mavata mandi, esi Dore+ ye mavata mau, esi Ene-dore+ ye mavata mau, esi Tanaki+ ye mavata mau, esi Mengido ye mavata mau, miongo tatu.
12 Kansi, wan’a Manase ke balendele tambula mbanza zazi ko; Anekenani batatamene zingila muna nsi yayina.+
13 Vava Aneyisaele bakumama, babundwini Anekenani muna salu yangolo,+ kansi ke bayinga yau awonso ko.+
14 O wan’a Yosefe bavovese Yosua vo: “Ekuma utuvanini kunku kimosi kaka,+ ndambu a nsi se vua? Kadi tu nkangu ayingi, Yave utusambuidi yamu wau.”+
15 Yosua ubavutwidi vo: “Avo nkangu ayingi nuina nutomboka kuna mfinda, nuyikubikila e fulu muna nsi ya Aneperese+ ye Anerefa,+ wau vo e zunga kia miongo mia Eferaime+ kiabatakana kwa yeno.”
16 O wan’a Yosefe bavovele vo: “E zunga kia miongo ke kiafwana ko kwa yeto, Anekenani awonso ana bena muna ndimba, bavuidi makalu ma vita+ mena ye sakilwa ya sengwa,* ye awana bena kuna Bete-sana+ ye mavata mandi* ye awana bena kuna Ndimb’a Yizerele.”+
17 Yosua ovovese nzo a Yosefe, i sia vo, Eferaime yo Manase: “Nu nkangu ayingi, nuvuidi ngolo zayingi. Ke nutambula kaka kunku kimosi ko,+
18 e zunga kia miongo, kieno mpe kikala.+ Kanele vo mfinda, nuvelelesa yo, ikala se mwingilu a zunga kieno. Kadi se nuayinga Anekenani kana una vo akwa ngolo ye bavuidi makalu ma vita mena ye sakilwa ya sengwa.”*+
Mvovo vana yand'a lukaya
^ I sia vo, ku ndambu a este a.
^ Mvovo wa sina: “wele yakuna lunene.”
^ Yovo “mavata mandi manzungidi.”
^ Mvovo wa sina: “makalu ma vita ma sengwa.”
^ Yovo “mavata mandi manzungidi.”
^ Mvovo wa sina: “makalu ma vita ma sengwa.”
