Yosua 18:1-28
18 E nkutakani yawonso ya Aneyisaele ikutakene kuna Silo,+ basumikini ko saba kia wananina,+ kadi e nsi mu wisa kiau se ina.+
2 Kansi, makanda nsambwadi masala muna Aneyisaele ana ke batambula vua ko.
3 Yosua ovovese Aneyisaele vo: “Nkia kolo nuvingila muna kota yo vua e nsi ina Yave wa Nzambi a mase meno kanuvana?+
4 Nusola wantu tatu muna konso kanda yabatuma; benda kangala muna nsi basoneka e mingilu mia zunga ya nsi mun’owu wa vua diau. I bosi bevutuka oku ngina.
5 Bakayanisa yo mu kunku nsambwadi.+ Yuda okala kaka muna mvivu andi kuna sude,+ e nzo a Yosefe ikala kaka muna mvivu andi kuna node.+
6 Nufimpa e mingilu mia zunga ya nsi, nukayanesa yo mu kunku nsambwadi, nutwasa nkanda oku ngina, i bosi ikunutela e nkas’a mienze+ vana ndose a Yave wa Nzambi eto.
7 Kansi Anelevi ke bena ye kunku ko vovo nuina,+ kadi e kinganga kia Yave i vua diau;+ o Ngadi, Rubeni ye bula-kati kwa kanda dia Manase+ batambwidi kala e vua diau dina kabavana o Mose wa selo kia Yave kuna simu dia Yodani kuna este.”
8 O wantu bakubamene, o Yosua okanikini ana basolwa kimana benda soneka e mingilu mia zunga ya nsi: “Nuenda kangala muna nsi, nuasoneka e mingilu mia zunga ya nsi, i bosi nuvutuka oku ngina yanutela e nkas’a mienze vana ndose a Yave kwaku Silo.”+
9 Wantu bele kangala muna nsi, basonekene e mingilu mia zunga ya nsi, bakayanese yo mu kunku nsambwadi landila e mbanza zandi, basonekene mawonso muna nkanda. I bosi, bavutukidi kwa Yosua kuna ndo a Silo.
10 I bosi, Yosua ubatelele nkas’a mienze vana ndose a Yave+ kuna Silo. I kuna Yosua kakayanesene nsi kwa Aneyisaele, kunku kimosi muna konso kanda.+
11 E nkas’a mienze ibwididi muna kanda dia Benyamini, muna vumu yau, e zunga kiau kikedi vana kati kwa wan’a Yuda+ ye wan’a Yosefe.+
12 O mwingilu au kuna node uyantikidi kuna Yodani, wele kuna nkulumuk’a Yeriko+ kuna node, utombokele kuna mongo kuna weste yo lwaka kuna makanga ma Betavene.+
13 Tuka kwakuna, o mwingilu uviokele kuna Luzi, kuna sude a nkulumuk’a Luzi, i sia vo, Betele; + ukulumukini yakuna Atarote-ada+ kuna mongo, i sia vo, kuna sude a Bete-korone ya Yanda.+
14 O mwingilu ulweke kuna ndambu a weste yo viluka kuna sude tuka kuna mongo una mantalani ye Bete-korone kuna sude; usukidi kuna Kireyate-bale, i sia vo, Kireyate-yarimi,+ mbanz’a Yuda. Eyayi i ndambu a weste.
15 E ndambu a sude itukidi kuna nsuk’a Kireyate-yarimi yakuna weste; o mwingilu wele yakuna nto a maza ma Nefetoka.+
16 O mwingilu ukulumukini kuna nsuk’a mongo una mantalani ye Ndimb’a Mwan’a Inomi,+ i sia vo, Ndimb’a Refa+ kuna node yo kulumuka kuna Ndimb’a Inomi, yakuna nkulumuk’a Aneyebuse+ kuna sude yo kulumuka kuna Ene-rongele.+
17 I bosi, wele kuna node yo luaka kuna Ene-semese, uvaikidi kuna Ngelelote ina mantalani ye ntombok’a Adumimi+ yo kulumuka kuna tadi+ dia Boane+ wa mwan’a Rubeni.
18 Uviokele kuna nkulumuk’a node ina mantalani ye Araba yo kulumuka kuna Araba.
19 O mwingilu wele yakuna nkulumuk’a Bete-kongela+ kuna node yo sukila kuna node a Mbu a Mungwa*+ kuna nsuk’a sude a Yodani. Owau i mwingilu a sude.
20 Yodani i mwingilu andi kuna ndambu a este. Emiami i mingilu mia vua dia wan’a Benyamini muna ndambu zawonso muna vumu yau.
21 E mbanza za kanda dia Benyamini muna vumu yau i Yeriko, Bete-kongela, Emeke-kesisi,
22 Beta-raba,+ Semaraime, Betele,+
23 Avi, Para, Ofera,
24 Kefe-amoni, Ofeni, Ngeba+—mbanza 12 ye mavata mau.
25 Ngibone,+ Rama, Berote,
26 Misepa, Kefera, Moza,
27 Rekeme, Yimpele, Tarala,
28 Sela,+ Elefe, Yebuse, i sia vo, Yerusaleme,+ Ngibeya+ ye Kireyate—mbanza 14 ye mavata mau.
Ediadi i vua dia wan’a Benyamini muna vumu yau.
Mvovo vana yand'a lukaya
^ I sia vo, Mbu Afwa.
