Yosua 21:1-45
21 E ntu mia nzo za mase ma Anelevi bezidi kwa Elaza+ wa nganga ye kwa Yosua wa mwan’a Nuni ye kwa ntu mia nzo za mase ma makanda ma Isaele,
2 babavovese kuna Silo+ muna nsi a Kenani, oku vo: “Yave wakanikina muna Mose vo twavewa mbanza zina tukala ye madilu ma twelezi yeto.”+
3 Muna lutumu lua Yave, Aneyisaele bakatwidi muna vua diau mbanza zakaka+ ye madilu ma twelezi, bavene zo kwa Anelevi.+
4 E nkas’a mienze ibwididi muna vumu ya Anekoate,+ Anelevi ana batuka muna Arone wa nganga batambwidi muna ntew’a nkas’a mienze, mbanza 13 muna kanda dia Yuda,+ muna kanda dia Simeone,+ ye muna kanda dia Benyamini.+
5 O Anekoate ana basala, batambwidi* mbanza kumi muna vumu ya kanda dia Eferaime,+ ye muna kanda dia Dani ye muna bula-kati kwa kanda dia Manase.+
6 O Anengeresone+ batambwidi mbanza 13 muna kanda dia Yisakare, muna kanda dia Asere, muna kanda dia Nafetali ye bula-kati kwa kanda dia Manase kuna Basani.+
7 O Anemerare+ muna vumu yau, batambwidi mbanza 12 muna kanda dia Rubeni, muna kanda dia Ngadi ye muna kanda dia Zebulune.+
8 Aneyisaele bavana mbanza zazi yo madilu ma twelezi yau kwa Anelevi muna ntew’a nkas’a mienze, wauna kakanikina o Yave muna Mose.+
9 Muna kanda dia Yuda ye muna kanda dia Simeone, bavene mbanza zazi ziyikilu muna nkumbu,+
10 ziveno kwa wan’a Arone muna vumu ya Anekoate muna Anelevi, kadi e nkas’a mienze kwa yau ntete yabwila.
11 Babavene Kireyate-araba+ (Araba i se dia Anaki), i sia vo, Keberone,+ muna zunga kia miongo mia Yuda ye madilu ma twelezi mana mabazietele.
12 Kansi, e yana ya mbanza ye mavata mandi mavewa kwa Kalebe wa mwan’a Yefune se vua diandi.+
13 Kuna kwa wan’a Arone wa nganga, babavene mbanza za tinina kwa mumponda-muntu,+ i sia vo, Keberone+ ye madilu mandi ma twelezi yo Libena+ ye madilu mandi ma twelezi,
14 Yati+ ye madilu mandi ma twelezi, Esetemoa+ ye madilu mandi ma twelezi,
15 ye Kolone+ ye madilu mandi ma twelezi, Debi+ ye madilu mandi ma twelezi,
16 Aini+ ye madilu mandi ma twelezi, Yuta+ ye madilu mandi ma twelezi, Bete-semese ye madilu mandi ma twelezi—mbanza vua muna makanda mau mole.
17 Muna kanda dia Benyamini: Ngibone+ ye madilu mandi ma twelezi, Ngeba ye madilu mandi ma twelezi,+
18 Anatote+ ye madilu mandi ma twelezi, Alemone ye madilu mandi ma twelezi—mbanza ziya.
19 Mbanza zawonso zavewa kwa wan’a Arone wa nganga, mbanza 13 ye madilu mandi ma twelezi.+
20 E vumu ya Anekoate ana basala vana vena Anelevi, batambwidi mbanza muna ntew’a nkas’a mienze muna kanda dia Eferaime.
21 Babavene mbanza za tinina kwa mumponda-muntu,+ i sia vo, Sekeme+ ye madilu mandi ma twelezi muna zunga kia miongo mia Eferaime, Ngeze+ ye madilu mandi ma twelezi,
22 Kibesaime ye madilu mandi ma twelezi, Bete-korone+ ye madilu mandi ma twelezi—mbanza ziya.
23 Kuna kwa kanda dia Dani: Eleteke ye madilu mandi ma twelezi, Ngibetone ye madilu mandi ma twelezi,
24 Ayalone+ ye madilu mandi ma twelezi, Ngati-rimone ye madilu mandi ma twelezi—mbanza ziya.
25 E bula-kati kwa kanda dia Manase: Tanaki+ ye madilu mandi ma twelezi, Ngati-rimone ye madilu mandi ma twelezi—mbanza zole.
26 Mbanza zawonso zina zatambula vumu ya Anekoate ana basala, mbanza kumi ye madilu mandi ma twelezi.
27 O Anengeresone+ muna vumu ya Anelevi batambwidi kuna kwa bula-kati kwa kanda dia Manase, mbanza za tinina kwa mumponda-muntu, Ngolane+ muna Basani ye madilu mandi ma twelezi, ye Besetera ye madilu mandi ma twelezi—mbanza zole.
28 Kuna kwa kanda dia Yisakare:+ Kiseyone ye madilu mandi ma twelezi, Daberate+ ye madilu mandi ma twelezi,
29 Yamute ye madilu mandi ma twelezi, Enganimi ye madilu mandi ma twelezi—mbanza ziya.
30 Kuna kwa kanda dia Asere:+ Misale ye madilu mandi ma twelezi, Abedone ye madilu mandi ma twelezi,
31 Kelekate+ ye madilu mandi ma twelezi, Rekobe+ ye madilu mandi ma twelezi—mbanza ziya.
32 Kuna kwa kanda dia Nafetali: E mbanza za tinina+ kwa mumponda-muntu, i Kedese+ muna Ngalili ye madilu mandi ma twelezi, Amotedo ye madilu mandi ma twelezi, ye Karetane ye madilu mandi ma twelezi—mbanza zitatu.
33 Mbanza zawonso za Anengeresone muna vumu yau, mbanza 13 ye madilu mandi ma twelezi.
34 E vumu ya Anemerare,+ ana basala muna Anelevi, batambwidi kwa kanda dia Zebulune:+ Yokename+ ye madilu mandi ma twelezi, Kareta ye madilu mandi ma twelezi,
35 Dimina ye madilu mandi ma twelezi, Nalale+ ye madilu mandi ma twelezi—mbanza ziya.
36 Kuna kwa kanda dia Rubeni: Bese+ ye madilu mandi ma twelezi, Yaza ye madilu mandi ma twelezi,+
37 Kedemote ye madilu mandi ma twelezi, ye Mefate ye madilu mandi ma twelezi—mbanza ziya.
38 Kuna kwa kanda dia Ngadi:+ E mbanza za tinina kwa mumponda-muntu, i Ramote muna Ngiladi+ ye madilu mandi ma twelezi, Makanaimi+ ye madilu mandi ma twelezi,
39 Kesebone+ ye madilu mandi ma twelezi, Yaze+ ye madilu mandi ma twelezi—zawonso mbanza ziya.
40 E mbanza zavewa muna ntew’a nkas’a mienze kwa Anemerare muna vumu yau, ana basala muna vumu ya Anelevi, mbanza 12.
41 E mbanza zawonso za Anelevi zakala muna vua dia Aneyisaele, mbanza 48 ye madilu mandi ma twelezi.+
42 Konso mbanza yakala ye madilu mandi ma twelezi mazieta—i wau wakala mbanza zazi zawonso.
43 Yave wavana nsi yawonso kwa Aneyisaele, ina kadila ndofi vo ovana yo kwa mase mau,+ bavua yo, yo zingila mo.+
44 Vana ntandu, Yave wabavundisa muna zunga yawonso, wauna kadila e ndofi kwa mase mau,+ ke vasunda kana mosi ko vana vena mbeni zau zawonso.+ O Yave wayekola mbeni zau zawonso vana moko mau.+
45 Ke vafunga nsilu* ko muna nsilu miawonso miambote kasila o Yave kwa nzo a Isaele; miawonso mialungana.+