Yosua 23:1-16
23 Vava kiavioka kolo kiayingi tuka Yave kavundisila Isaele+ muna mbeni zau zawonso zabazieta, o Yosua onunini, e mvu miandi se miayingi,+
2 Yosua obokelese Isaele awonso+ ye mbuta zau, ye ntu, ye afundisi ye akuluntu,+ ubavovese vo: “Ndunini kwame; e mvu miame se miayingi.
3 Nuamwene mawonso kavangidi Yave wa Nzambi eno kwa zula yayi yawonso muna diambu dieno, kadi o Yave wa Nzambi eno yandi wanunuanini.+
4 Tala, inukayanese muna ntew’a nkas’a mienze e nsi ya zula ina yalembi fwasa+ se vua muna makanda meno,+ kumosi ye nsi ya zula yawonso ina yafûkisa,+ tuka kuna Yodani yakuna Mbu Anene* kuna weste.*
5 O Yave wa Nzambi eno, yandi wabayingidi vovo nuina yo kubayalula mu kuma kieno,+ oyeno nuavua e nsi au una Yave wa Nzambi eno kanusila o nsilu.+
6 “Owau nukala yo unkabu wa lemvokela yo vanga mawonso masonama muna nkand’a Nsiku+ a Mose, ke nuvengomoki wo ko kiakala ku lunene yovo ku lumonso,+
7 ke nusangalakani ye zula yayi+ yasala vovo nuina ko. Ke nuyiki nkutu e nkumbu za nzambi zau ko,+ yovo kubadila e ndofi, yovo kubasadila, ngatu kubavumbamena.+
8 Nutatidila kaka Yave wa Nzambi eno+ wauna nuvanganga yamu unu.
9 Kadi Yave oyinga zula yanene ye yangolo vovo nuina,+ yamu unu kiaki kavena muntu ko unusundidi.+
10 Muntu mosi vovo nuina olakama e funda,+ kadi o Yave wa Nzambi eno, yandi okununuanina+ wauna kanusila o nsilu.+
11 Dianu vo nuyikenga,*+ nuzola Yave wa Nzambi eno.+
12 “Kansi, avo nuvengomokene yo yikama e zula yayi yasala+ vovo nuina yo sompaziana+ yo sangalakana yau,
13 nuzaya wo vo o Yave wa Nzambi eno keyinga diaka zula yayi ko vovo nuina.+ Bekala kaka vovo nuina se ntambu ye sokolo ye nzwati muna mpati,+ ye nsende muna meso, yavana nuvila muna nsi yayi yambote ina kanuvan’o Yave wa Nzambi eno.
14 “Tala, owau se ifwa* kwame, nutomene wo zaya muna nsi a ntim’eno wawonso yo moyo* eno wawonso vo, ke vafungidi kana diambu dimosi ko muna mambu mawonso mambote kavova o Yave wa Nzambi mu kuma kieno. Mawonso malungane vovo nuina. Ke vafungidi kana diambu dimosi ko.+
15 Wauna ulunganene mambu mawonso mambote kanusila o nsilu o Yave wa Nzambi eno,+ i una Yave kekunutwasila mambu mambi mawonso mana kasila o nsilu, yavana kekunufukisa omu nsi yayi yambote ina kanuvene o Yave wa Nzambi eno.+
16 Avo nukulwidi e kangu dia Yave wa Nzambi eno dina kanukanikina vo nualunda, yo sadila nzambi zankaka yo vumbamena zo, ozevo makasi ma Yave mekunufusukila,+ vila nuvila muna nsi ambote ina kanuvana.”+
Mvovo vana yand'a lukaya
^ I sia vo, Mediterrâneo.
^ Yovo “Kuna kudimukinanga e ntangwa.”
^ Yovo “nutoma yingila mioyo mieno.”
^ Mvovo wa sina: “O unu se nkwenda e nzila ina ikwendela nza yawonso.”
^ Tala Nsas’a Mvovo.
