Yosua 4:1-24
-
Matadi masilu se sinsu kia luyindulu (1-24)
4 Vava nkangu wawonso umene sauka Yodani, Yave ovovese Yosua vo:
2 “Nusola wantu 12 muna nkangu, muntu mosi muna konso kanda,+
3 nubakanikina vo: ‘Nubonga matadi 12 mwamu Yodani, vana fulu kiningamene malu ma anganga,+ nunata mo yo sia mo vana fulu nuleka muna fuku.’”+
4 Ozevo, Yosua obokele wantu 12 ana kasolele muna Aneyisaele, muntu mosi muna konso kanda.
5 Yosua ubavovese vo: “Nuvita kuna ntwal’a Nkel’a Yave wa Nzambi eno yavana kati kwa Yodani, konso muntu omu yeno kananguna e tadi yo sia dio vana vembo, mun’owu wa lutangu lwa makanda ma Aneyisaele,
6 mekala se sinsu vovo nuina. Avo wan’eno* bekunuyuvula muna lumbu ilanda: ‘Ekuma nuinina ye matadi mama?’+
7 nubavutula vo: ‘O maza ma Yodani mavambuka vana vena nkel’a+ kangu dia Yave. Vava yasauka Yodani o maza ma Yodani mavambuka. O matadi mama i luyindulu kwa nkangu a Isaele yakwele+ mvu.’”
8 Aneyisaele bavangidi wauna kakanikina Yosua. Babongele matadi 12 vana kati kwa Yodani, wauna Yave kakanikina Yosua, mun’owu wa lutangu lwa makanda ma Aneyisaele. Banete mo yo sia mo kuna balele.
9 Yosua mpe otongekele matadi 12 vana kati kwa Yodani, muna mwatelamena malu ma anganga ana banet’e nkel’a kangu,+ o matadi mama makinu mûna yamu unu kiaki.
10 Anganga ana banet’e Nkela baningamene vana kati kwa Yodani yavana kivangamene mawonso mana Yave kakanikina Yosua kavovesa kwa nkangu, mun’owu wawonso Mose kakanikina Yosua. Muna kolo kiakina, o nkangu usaukidi mu nzaki.
11 Vava nkangu wawonso umene sauka, e Nkel’a Yave ye anganga mpe basaukidi vana ntadisi a nkangu.+
12 O Anerubeni, Anengadi ye bula-kati kwa kanda dia Manase, basaukidi ye nuaninua,+ kuna ntwal’a Aneyisaele, wauna o Mose kabakanikina.+
13 Tezo kia 40.000 ma makesa bavuete nuaninua, basaukidi vana ndose a Yave, bele kiatama kuna makanga ma Yeriko vana ndimba.
14 E lumbu kiakina, Yave otundidikidi Yosua vana meso ma Isaele awonso,+ o nkangu utomene kunzitisa e* lumbu yawonso ya zingu kiandi nze una batoma zitisilanga Mose.+
15 I bosi, Yave ovovese Yosua vo:
16 “Kanikina anganga ana benatanga e nkel’a+ Kimbangi, batomboka muna Yodani.”
17 Yosua ovovese anganga: “Nutomboka muna Yodani.”
18 Vava anganga ana benatanga nkel’a+ kangu dia Yave batombokele muna Yodani, e tambi ya nganga idiete vana ntoto ayuma, e maza ma Yodani mavutukidi kukula, mafukidi makumu+ mandi mawonso una mateka kala.
19 E lumbu kia kumi kia ngonde antete, o nkangu utombokele muna Yodani, banangini muna Ngilengale+ muna mwingilu a nsi a Yeriko kuna este.
20 Vo i matadi 12 mana babongele muna Yodani, Yosua otongekele mo muna Ngilengale.+
21 Ovovese Aneyisaele vo: “Kuna lumbu ilanda, vava wan’eno beyuvula mase mau vo, ‘O matadi mama nkia nsasa mena?’+
22 nuzayisa wan’eno vo: ‘Isaele wasauka Yodani vana ntoto ayuma+
23 vava Yave wa Nzambi eno kayumisa maza ma Yodani vana bakala yavana basauka, nze una kavanga Yave wa Nzambi eno vava kayumisa Mbu a Ambwaki vana twakala yavana twasauka.+
24 Wavanga ediadi kimana nkangu miawonso mia nza bazaya wo vo o koko kwa Yave kwa nkuma,+ nuavumina Yave wa Nzambi eno e lumbu yawonso.’”
