Zakariya 1:1-21
1 Muna ngonde yanana ya mvu wazole wa luyalu lwa Dareyuse,+ e diambu dia Yave diayiza kwa Zakariya*+ wa ngunza, wa mwan’a Berekeya wa mwan’a Ido, oku vo:
2 “Yave wafungila mase meno makasi mayingi.+
3 “Ubavovesa vo: ‘I wau wuwu kavovele o Yave a vu: “‘Nuvutuka kwa mono,’ u kavovele o Yave a vu, ‘omono mpe ivutuka kwa yeno,’+ u kavovele o Yave a vu.”’
4 “‘Ke nukadi nze mase meno ko, ana angunza zina zavita basakulwila vo: “I wau wuwu kavovele o Yave a vu, ‘Dodokolo, nuviluka muna nzila zeno zambi ye mavangu meno mambi.’”’+
“‘Kansi, ke bawá ko ngatu kuntamba matu,’+ u kavovele o Yave.
5 “‘Mase meno akweyi bena? Angunza, nga bazinga yakwele mvu?
6 Kansi e mvovo miame ye nsiku miame mina yakanikina kwa selo yame, angunza, nga ke mialwaka kwa mase meno ko e?’+ Muna diadi, bavutuka kwa mono yo vova: ‘Yave a vu, wauna kakana o vanga, i wau katuvangidi mun’owu wa nzila zeto ye mavangu meto.’”+
7 E lumbu kina kia 24 kia ngonde ya 11, i sia vo, ngonde a Sebate,* muna mvu wazole wa luyalu lwa Dareyuse,+ e diambu dia Yave diayiza kwa Zakariya wa ngunza, wa mwan’a Berekeya, wa mwan’a Ido, oku vo:
8 “Mona-meso yamwene muna fuku. Muntu wakangalelanga muna mvalu wa mbwaki, otelamene vana nlong’a nti mia muruti; kuna nim’andi kukedi mvalu mia mbwaki, mia se kia lukaya lwayuma ye miampembe.”
9 Mpovele vo: “Aki nani awaya, e mfumu ame?”
O mbasi ona wamokenanga yame umvutwidi vo: “Ikusonga kana aki nani awaya.”
10 I bosi, o muntu watelama vana nti mia muruti ovovele vo: “Awaya i yau Yave katumini bakangala va nza.”
11 Bavovele kwa mbasi a Yave ona otelamene vana nti mia muruti vo: “Tuzietele muna nza, tumwene vo e nza yawonso ya dingalala yo vuvama.”+
12 Muna kuma kiaki, mbasi a Yave ovovele vo: “E Yave a vu yamu nkia kolo olembi fwila Yerusaleme ye mbanza za Yuda e nkenda,+ zina wafungila makasi mu 70 lwalu lwa mvu?”+
13 Yave ovutwidi muna mvovo mia ngemba ye mia lufiaulwisu kwa mbasi ona wamokenanga yame.
14 I bosi mbasi ona wamokenanga yame umpovese vo: “Samuna, ‘I wau wuwu kavovele o Yave a vu: “Ngina ye vema mu kuma kia Yerusaleme ye Zione, vema kwayingi kikilu.+
15 Mfungidi kikilu makasi, mfungidi e zula ina mu luvuvamu o makasi,+ kadi vava yafunga fioti makasi+ oyau bawokesa e mpasi.”’+
16 “Ozevo, i wau wuwu kavovele o Yave: ‘“Ivutuka kwa Yerusaleme ye nkenda,+ i mûna mu tungilwa e nzo ame,”+ u kavovele o Yave a vu, “nsinga wa tezela ulambulwa muna Yerusaleme.”’+
17 “Samuna diaka, oku vo: ‘I wau wuwu kavovele o Yave a vu: “E mbanza zame zizala diaka ye lekwa yambote; Yave ofiaulwisa diaka Zione+ yo sola diaka Yerusaleme.”’”+
18 I bosi nsengwele o meso, mbwene mpoka ziyá.+
19 Ngiuvuidi kwa mbasi ona wamokenanga yame vo: “Nki kiaki?” Umvutwidi vo: “Ezazi i mpoka zamwanganesa Yuda,+ Isaele+ ye Yerusaleme.”+
20 I bosi Yave unsongele avangi a lekwa ya sengwa ayá.
21 Ngiuvuidi vo: “Awaya nki bezidi sala?”
Umvutwidi vo: “Ezazi i mpoka zamwanganesa Yuda yamu tezo kina vo ke vena diaka muntu ko olenda vumbula ntu andi. Awaya bekwiza muna kubabangika, muna tolola mpoka za zula ina izangulwidi nsi a Yuda e mpoka yo mwanganesa nkangu una mo.”
