Zakariya 10:1-12
10 “Nulomba e mvula kwa Yave muna nsungi a kintombo.
Yave ovaikisanga matuti ma tembwa kiangolo,Oma metwasanga mvula zayingi kwa wantu,+Ye titi muna mpatu kwa wantu awonso.
2 Kadi e teke* ivovele luvunu;E nganga za ngombo bemonanga mona-meso ya luvunu.
Bezingulanga ndozi zakondwa o mfunu,Bevananga lufiaulwisu lwa kondwa mfunu.
Muna kuma kiaki, betungiana nze mameme.
Bemona mpasi, kadi ke bena ye mvungudi ko.
3 Makasi mame mafusukidi muna avungudi,Ye afidi* bena vo abangiki, ikubalanda e kunda;Kadi Yave a vu ovutwidi sungididi kiandi kwa kambi diandi,+ e nzo a Yuda,
Ubakitwidi nze mvalu andi a nkembo muna vita.
4 Muna yandi i mutuka o mfidi,*Muna yandi i mutuka mfumu una vo nsadisi,*Muna yandi i mutuka mfumba wa vita;Muna yandi i muvaika nkengi awonso, yau awonso kumosi.
5 Bekituka nze makesa,Bediatakesa e nteba za nzila muna vita.
Benuana, kadi Yave una yau;+Awana bekwendela muna mvalu, befusuka e nsoni.+
6 Ikumika nzo a Yuda,Ivuluza nzo a Yosefe.+
Ikubavutulwisa,Kadi ikubafwila e nkenda;+Bekala nze yau kiateka bembola ko;+Kadi mono i Yave wa Nzambi au, ikubatambulwila.
7 Esi kanda dia Eferaime bekituka nze kesa diangolo,E ntima miau miyangalala nze yau banuini vinyu.+
Wan’au bemona wo yo yangalala;E ntima miau mimwena kiese muna Yave.+
8 ‘Ikubasikila mumpiozi yo kubakutakesa;Kadi ikubakûla,+ ndonga bekituka,Yo kwamanana wokela.
9 Kana una vo ibamwanganese nze mbongo vana vena nkangu,Bekungindula muna fulu ina kwandá ina bekwenda;Bekumikwa diaka yo vutuka kumosi ye wan’au.
10 Ikubavaikisa muna nsi ya EngipitoYo kubakutakesa tuka kuna Asuri;+Ikubatwasa muna nsi a Ngiladi+ ye Lebanone,O kwakuna bekala ye fulu kiafwana.+
11 Oviokela muna kalunga yo twasa e mpasi;Owanda mavuku ma kalunga;+E masina mawonso ma Nile meyuma.
O lulendo lwa Asuri lukululwa,E mvual’a Engipito ikatulwa.+
12 Omono kibeni Yave ikubakumika,+Bekangalela muna nkumbu ame,’+ u kavovele o Yave.”
Mvovo vana yand'a lukaya
^ Yovo “nzambi za esi nzo.” Mvovo wa sina: “zumbi.”
^ Mvovo wa sina: “vaka ya nkombo.”
^ Mvovo wa sina: “nzo yanda vana konko,” wasadilwanga mu yika muntu osundidi o mfunu; mfumu.
^ Yovo “nsonso,” isadilwanga mu yika muntu una vo sikinua; nyadi.
