Zakariya 11:1-17
11 “Ziula yelo yaku, e Lebanone,Kimana tiya twabomona nsedele zaku.
2 Yayana, e yeno nti mia sipelese, kadi e nti a nsedele ubwidi;E nti miampwena mifwasilu!
Nuyayana, yeno nti mia terebinte mia Basani,Kadi e mfinda anene ifwasilu!
3 Nuwá! Avungudi mu yayana bena,Kadi onene wau ufwasakene.
Nuwá! Wan’a nkosi* mu kwita benaKadi e mfinda zanene muna nlambu a Yodani zifwasilu.
4 “I wau wuwu kavovele o Yave wa Nzambi ame: ‘Vungula mameme mana mazengelwa e tumbu kia lufwa,+
5 mana mevondwanga kwa asumbi,+ kansi yau ke banati nkanu. Ana bekubatekanga+ bevova vo: “Yambula Yave kakembelwa, kadi ikituka se mvuama.” Avungudi au ke bekubafwila nkenda ko.’+
6 “‘Kadi kifwila diaka nkangu a nsi yayi nkenda ko,’ u kavovele o Yave. ‘Iyekola konso muntu vana koko kwa nkwandi ye vana koko kwa ntinu andi; befukisa e nsi, kikubavuluza vana moko mau ko.’”
7 E yeno nubangikwanga muna kambi, muna wete dieno, ngiantikidi vungula mameme mazengelwa tumbu kia lufwa.+ Mbongele nkau miole, ngikidi umosi vo Ngemba, wankaka vo Kintwadi,+ ngiantikidi vungula mameme.
8 Ngingidi avungudi atatu muna ngonde mosi, kadi kilendele diaka kubazizidila ko, yau mpe bambengene.
9 Mpovele vo: “Kikunuvungula diaka ko. Dina difwa, yambula diafwa kwandi, dina divila, yambula diavila kwandi. Mana mesala yambula madisaziana e nsuni.”
10 I dianu vo, mbongele o nkau ame uyikilwanga vo Ngemba,+ ntolwele wo, nkulwidi e kangu diame dina yakanga ye nkangu miawonso.
11 Ozevo, dikulwilu muna lumbu kiakina, e mimbona mpasi muna kambi ana bambwene, babakwidi wo vo i diambu dia Yave.
12 I bosi, ibavovese vo: “Avo diambote muna meso meno, numpana o mfutu ame, avo ke wau ko, ke nufuti wo ko.” Bampene* 30 ma sekele za palata se mfutu ame.+
13 I bosi Yave umpovese vo: “Tuba wo muna lundilu dia tusalu—ntalu yanene ina bantezele.”+ I dianu vo, mbongele 30 ma sekele za palata ntubidi zo muna lundilu dia tusalu dia nzo a Yave.+
14 I bosi, ntolwele nkau una wazole uyikilwanga vo Kintwadi,+ yavambanesa kimpangi kia Yuda ye Isaele.+
15 Yave umpovese vo: “Owau bonga e salanganu ya mvungudi wakondwa o mfunu.+
16 Kadi ibundumuna mvungudi mu nsi yayi. Ke lunga-lunga mameme ko mena vo mu fwa mena;+ ke vava wan’a mameme ko yovo wuka mana malwele+ ngatu dikila mana mena ye vimpi. Kansi, odia mbizi a meme dia mazi+ yo katula kole ya mameme.+
17 Tâtu kwa mvungudi ame wakondwa mfunu,+ ona obembolanga e kambi!+
O nsosolo utela koko kwandi ye disu diandi dialunene.
O koko kwandi kuyuma emvimba,E disu diandi dialunene difwa emvimba.*
Mvovo vana yand'a lukaya
^ Yovo “wan’a nkosi a mika miayingi muna nsingu.”
^ Mvovo wa sina: “Batezele.”
^ Mvovo wa sina: “dibukama e tombe.”
