Zakariya 12:1-14
12 E nzengo za Nzambi i zazi:
“Ediadi i diambu dia Yave mu kuma kia Isaele,” u kavovele o Yave,Ona wayalumuna e zulu,+Ona wakubika e nkubilwa za ntoto,+Yo sema mwand’a* muntu wina muna yandi.
2 “Ikitula Yerusaleme se mbungwa* itunganesa nkangu miawonso mizietele; e mbeni bezunga Yuda ye Yerusaleme.+
3 E lumbu kiakina, ikitula Yerusaleme se tadi diazita kwa nkangu miawonso. Awonso bezangula dio lwala betoma lwala;+ e zula yawonso ya nza ikutakeswa mu nuanisa Yerusaleme.+
4 E lumbu kiakina,” u kavovele o Yave, “imwesa wonga kwa mvalu miawonso, ana bekwendelanga mo ikubakitula se lau. O meso mame mekala kaka muna nzo a Yuda, kansi vonda ivonda meso ma mvalu miawonso mia nkangu.
5 E mfumu* za Yuda bevova muna ntima miau vo: ‘Esi Yerusaleme i ngolo zeto muna Yave a vu wa Nzambi au.’+
6 Muna lumbu kiakina ikitula mfumu za Yuda nze longa dia makala ma tiya vana kati kwa nkuni ye mini kilemanga vana ntete mia masa,+ bezinisa nkangu miawonso mibazietele kuna lunene yakuna lumonso;+ Yerusaleme izingilwa diaka vana fulu kiandi, kuna Yerusaleme.+
7 “Yave ovuluza ntete saba ya Yuda, kinumana e tunda dia* nzo a Davidi ye tunda dia* nkangu a Yerusaleme dialembi vioka e tunda dia Yuda.
8 Muna lumbu kiakina, Yave okala se ntanini muna nzunguluk’a esi Yerusaleme;+ muna lumbu kiakina ndiona otá sakuba vana bena okala nze Davidi, e nzo a Davidi ikala nze Nzambi, nze mbasi a Yave vana bena.+
9 Muna lumbu kiakina, ifukisa emvimba e zula yawonso ikwiza nuanisa Yerusaleme.+
10 “Bungula ibungula mwand’a dienga ye ludodokelo muna nzo a Davidi ye muna nkangu a Yerusaleme, betala ndiona batobwele,+ bekundila wauna bedidilanga mwana mosi kaka; bekundila wauna bedidilanga mwan’antete.
11 E lumbu kiakina mukala dilu kiayingi muna Yerusaleme, nze dilu kia Kadaderimone vana Ndimb’a Mengido.+
12 E nsi dila idila, konso kanda diau kaka didila; e kanda dia nzo a Davidi diau kaka, akazi au yau kaka; e kanda dia nzo a Natani,+ diau kaka, akazi au, yau kaka;
13 e kanda dia nzo a Levi,+ diau kaka, akazi au, yau kaka; e kanda dia nzo a Anesimei,+ diau kaka, akazi au yau kaka;
14 e makanda mawonso masidi, konso kanda diau kaka didila, akazi au, yau kaka bedila.
Mvovo vana yand'a lukaya
^ Yovo “fulumwinu kia.”
^ Yovo “pidi.”
^ I sia vo, mfumu za makanda.
^ Yovo “nkembo a.”
^ Yovo “nkembo a.”