Zakariya 13:1-9
13 “E lumbu kiakina vetimwa e sima kia nzo a Davidi ye esi Yerusaleme kimana baveleleswa muna sumu ye usafu.+
2 “Muna lumbu kiakina,” u kavovele o Yave a vu, “vunzuna ivunzuna nkumbu za teke mu nsi yayi,+ ke ziyindulwa diaka ko; sukisa isukisa angunza+ ye mwand’a usafu mu nsi yayi.
3 Avo muntu osakwidi diaka, se diandi yo ngudi andi ana banwuta bekumvovesa vo: ‘Kuzinga diaka ko, kadi ovovele luvunu muna nkumbu a Yave.’ O se diandi yo ngudi andi, ana banwuta bekuntobola wau kasakwidi.+
4 “Muna lumbu kiakina konso ngunza ofusuka e nsoni mu kuma kia mona-meso kiandi vava kesakula; ke bevuata mvuatu a mika ko+ muna vuna akaka.
5 Yandi ovova vo: ‘Mono ki ngunza ko, i mvati a ntoto kwame, kadi muntu wansumba se ntaudi vava yakala nleke.’
6 Avo muntu unyuvuidi vo: ‘E mputa zina va kati kwa mavembo maku* za nki?’ ovutula vo: ‘Mu nzo akundi ame yalwekelwa.’”
7 “E nsosolo, sikama, wawanda mvungudi ame,+Wanda ona wina vo nkwame,” u kavovele o Yave a vu.
“Wanda mvungudi,+ e kambi diamwangana;*+Vilula ivulula koko kwame yawanda dina diandwelo.”
8 “Muna nsi yayi yawonso,” u kavovele o Yave,“E ndambu zole za nkangu wina mo zifwa yo fukiswa;E ndambu yatatu isala mûna.
9 Iviokesa ndambu yantatu vana tiya;Ikubakenza nze una ukenzelwanga palata,Yo kubafimpa nze una ufimpilwanga wolo.+
Bebokela nkumbu ame,Omono ikubatambulwila.
Ikubavovesa vo: ‘Yau i nkangu ame,’+Yau bevova vo: ‘Yave i Nzambi eto.’”
Mvovo vana yand'a lukaya
^ Mvovo wa sina: “vana moko,” i sia vo, vana ntulu yovo kuna nima.
^ Yovo “mameme mamwangana.”
