Zakariya 2:1-13
2 Vava yasengola meso, yamona muntu yo nsinga wa tezela+ vana koko kwandi.
2 Yanyuvula vo: “Akweyi okwendanga?”
Wampana mvutu vo: “Ngiele teza Yerusaleme, mu zaya o lambuka yo lá kwandi.”+
3 O mbasi ona wamokenanga yame wele, mbasi wankaka wizidi wanana yandi.
4 I bosi umpovese vo: “Wenda e ntinu kwakuna, vovesa toko diadina vo: “‘E Yerusaleme izingilwa+ nze mbanza yakondwa yaka mu kuma kia nkangu ye twelezi ina mo.+
5 Omono,” u kavovele o Yave, “ikunzunga nze yaka kia tiya,+ ikituka se nkembo vana kati kwandi.”’”+
6 “Nuiza! nuiza! Nutina muna nsi a node”+ u kavovele o Yave
“Kadi mono yanumwanganesa muna tembwa yau yá ya zulu,”+ u kavovele o Yave.
7 “Wiza, e Zione! Tina, ngeye okalanga yo mwan’ankento a Babele.+
8 Kadi i wau wuwu kavovele o Yave a vu, ona una vo vava kakembeswa wantuma kwa zula ina yanusanzanga:+ ‘Ndiona okunusimba, osimba e ngengele a disu diame.+
9 Owau, ikubazangulwila e nkomi, bekituka se sanzu kuna kwa ntaudi zau.’+ Oyeno nuzaya wo vo Yave a vu untumini.
10 “Yimbila ye kiese, e mwan’ankento a Zione;+ kadi mu kwiza ngina,+ izingila vana kati kwaku,”+ u kavovele o Yave.
11 “E lumbu kiakina, zula yayingi iyikama Yave,+ bekituka se nkangu ame; omono izingila vana kati kwau.” Ozaya wo vo Yave a vu untumini kwa ngeye.
12 Yave otambula Yuda se kunku kiandi muna nsi avauka, osinga sola diaka Yerusaleme.+
13 Yeno wantu awonso* nukala pi-i vana ndose a Yave, kadi diambu kevanga tuka vana fulu kiandi kiavauka.
Mvovo vana yand'a lukaya
^ Mvovo wa sina: “nitu zawonso.”
