Zakariya 9:1-17
9 E nzengo za Nzambi i zazi:
“E diambu dia Yave muna tumba e nsi ya Kaderake,E Damaseke i kenonga*+—Kadi o meso ma Yave mena muna wantu+Ye muna makanda mawonso ma Isaele—
2 Muna tumba mpe Kamati+ ina yandi e mwingilu;Muna tumba Turo+ ye Sidone+ kadi zina ye ngangu zayingi.+
3 Turo uyitungidi kundubulu.
Owokese palata nze mbundukutu a ntoto,
Ye wolo nze mvindu muna nzila.+
4 Yave obonga mavua mandi,Ofwasa e vu kiandi kia makesa, okubatuba muna kalunga;*+Oziniswa muna tiya.+
5 Asekelone omona wo, omona wonga;Ngaza oyangama kikilu ntima,Ye Ekerone mpe, kadi e vuvu kiandi kidimbuka.
O ntinu a Ngaza ovila,Asekelone isala nkatu.+
6 E mwan’a zumba osikila muna Asedode,Omono isukisa lulendo lwa Mfelesetia.+
7 Ikatula menga muna nua andiYe lekwa yangemi muna meno mandi,Okituka nze nsadiswa kwa Nzambi eto;Okituka se mfidi muna Yuda,+Ekerone ikala nze Aneyebuse.+
8 Telama itelama nze nyingidi kimana yatanina e nzo ame,+Kuna kwa ndiona okwizanga y’ona ovutukanga;Ke muviokela diaka kana mbangiki mosi ko,+Kadi owau mbwene wo* muna meso mame.
9 Yangalala kikilu, e mwan’ankento a Zione.
Yengoloka ye kiese, e mwan’ankento a Yerusaleme.
Tala, o ntinu aku okwizanga kwa ngeye.+
Wansongi, otwasa luvuluzu,Nlembami,+ okwizilanga vana buluku,Vana swala dia buluku,vana mwan’a buluku diankento.+
10 Ikatula makalu ma vita muna Eferaime,Ye mvalu muna Yerusaleme.
E mfumba mia vita mikatulwa.
Osamuna luvuvamu muna zula;+Luyalu lwandi lukala tuka muna kalunga yamuna kalungaTuka muna Nzadi* yakuna nsuka za nza.+
11 Vo i ngeye, e nkento, muna menga ma kangu diaku,Ivaikisa abakami aku muna wulu dia kondwa maza.+
12 Nuvutuka muna nzo yangolo, yeno abakami luna ye vuvu.+
O unu, ivovese vo:
‘E nkento, ikusenda ye kunku yole.+
13 Kadi ifumbika Yuda nze mfumb’ame.
Eferaime okala se swanga muna mfumbaIsikamesa wan’aku, e Zione,Kimana batelamena wan’a Ngerekia,Ikukitula nze nsosolo a kesa.’
14 Yave omoneka vana bena,E nzanza andi ivaika nze nsemo.
O Mfumu Yave osika e mpungi,+Nze yimbongela ya sude, okwenda nuana ye mbeni.
15 Yave a vu okubatanina,Bekosomona yo diatakesa matadi mana betubilwa.+
Benua yo tungiana, nze yau banuini vinyu yayingi;Bezala nze pidi,Nze konko ya ziku.+
16 Yave wa Nzambi au okubavuluza muna lumbu kiakinaSe kambi diandi, nkangu andi;+
Kadi bekala nze matadi mantalu ma kolowa mekezimanga muna nsi andi.+
17 Ekwe nene wa wete wandi,+Ekwe nene wa vienga kwandi!
Masa mekumika matokoE vinyu ampa ikumika e mienze.”+
Mvovo vana yand'a lukaya
^ Mvovo wa sina: “fulu kiandi kiavundila.”
^ Nanga, “ofwasa vu kiandi muna kalunga.”
^ Nanga i mpasi za nkangu andi.
^ I sia vo, Uferate.
