Konso mvu, tuteka zenzesanga e té dieto muna madia ma mwanda tutambulanga muna tukutakanu tweto twa mvivu una ke kiafwene ko e lumbu kia lukutakanu. Muna kuma kiaki, muna sadisa akaka bamona o wete wa Yave, tubokela awonso tulenda balungana yeto. (Nku 34:8) Konso buka kia akuluntu, bebaka nzengo mu zaya e mpila yambote bekayila mboka muna zunga kiau.

• Nkia ntangwa lukala lukutakanu lwa mvivu lwa zunga kiame?

• Nkia ntangwa kiyantika e salu kia kaya e mboka mu zunga kiame?

• Nkia ola luyantika lukutakanu lwa salu kia umbangi?

• Adieyi ndenda vanga mu yikama e salu kia kaya e mboka?

• Aki nani ibokela?

Vava okayisa muntu olenda vova vo:

“Wantu tuna bokela beza lungana yeto mu lukutakanu lumosi lwamfunu, e salu kiaki kina salwa mu nza yawonso. E lumbu, ola ye fulu luvangamena kina mu mboka yayi. Tuyangalala kala yaku.”

Kana una vo tuzolele bokela wantu ayingi, tufwete sia e sungididi kwa awana besonga luzolo lwambote yo sikamesa etima diau.

Kuna nsuk’a lumingu olenda kaya mpe Eyingidilu ye Despertai! kumosi ye mboka.