Kina Kiazole kia 11 kia Abidi, Akristu ayingi ana bayoya muna mwanda bekala muna Luyindulu. Bayantika kala e nkul’a moyo, kansi bayoya mu kuma kia mambu bawanana mau. Makaka muna mambu mama, meyikwanga muna finkanda, Vutuka kwa Yave. (Ayib 12:1) Kansi wantu awaya bakinu yo mfunu kwa Yave ona wabasumba muna menga ma Mwan’andi. (Mav 20:28; 1 Pet 1:18, 19) Aweyi tulenda kubasadisila kimana bavutuka mu nkutakani?

Nze una mvungudi kevangilanga e ngolo mu vava meme divambukidi e kambi, akuluntu mpe bevanganga mawonso mu solola yo sadisa Nkristu wayoya. (Luka 15:4-7) Ediadi disonganga o zola kwa Yave. (Yer 23:3, 4) Yeto awonso ke akuluntu kaka ko, tulenda sadisa wantu awaya. E ngolo tuvanganga za songa e ngemba kwa wantu awaya, Yave ziyangidikanga ye zilenda twasa nluta miayingi. (Nga 19:17; Mav 20:35) Muna kuma kiaki, yindula muntu olenda sadisa yo vanga wo mu nzaki.

TUTALA E VIDEO INA YO NTU A DIAMBU SADISA AWANA BAYOYA MUNA MWANDA, I BOSI BADIKA YUVU ILENDE:

• Adieyi kavanga Abbey vava kawanana ye Mbangi a Yave ona kazaya ko?

• Ekuma tufwete mokenena ye akuluntu avo tuwananene yo muntu wayoya muna mwanda?

• Aweyi Abbey kakubamena mu kingula Laura mu nkumbu wazole?

• Aweyi Abbey kasongela luzindalalu yo zola ekolo kasadisanga Laura?

• Adieyi tulenda longoka muna kingana kia Yesu muna Luka 15:8-10?

• E ngolo zavangwa mu sadisa Laura nkia nsambu zatwasa?