Tuka omu mvu wau, tuyantika kala ye ntangwa yayingi muna kubama mu kuma kia luyindulu lwa lufwa lwa Kristu. Avo luyindulu muna kati kwa lumingu luvangama, o lukutakanu Zingu ye Salu Kieto kia Kikristu ke luvangama ko mu lumingu lwalu. Avo luyindulu kuna nsuk’a lumingu luvangama, e longi dia nkangu awonso ye Eyingidilu ke dikala ko. Nga olenda vanga e nkubika muna toma sadila e ntangwa yayi? Muna tandu kiantete, wantu bavanganga e nkubika muna kolo kiaki kia mfunu. (Luka 22:7-13; km 3/2015 luk. 1) Muna diadi, yeto awonso tufwete kubika e ntima mieto. Aweyi tulenda wo vangila?

• Yindula o mfunu wa kwenda lungana mu luyindulu.—1 Kor 11:23-26

• Samba yo toma yindula una wina e ngwizani aku yo Yave.—1 Kor 11:27-29; 2 Kor 13:5

• Tanga yo badika e sono isonganga o mfunu wa Luyindulu.—Yoa 3:16; 15:13

Ateleki ayingi betanganga yo badika e sono ya Nkand’a Nzambi ya ntangilu a Luyindulu ina muna finkanda, Fimpanga e Sono Lumbu Yawonso. Akaka betanganga e sono ya Nkand’a Nzambi ina omu babu. Vo i akaka, befimpululanga e malongi m’Eyingidilu mesasilanga oma ma Luyindulu yo zola kuna Yave yo Yesu batusonga. Kana nkia mpila ndekwa osadilanga, yambula zasadisa muna toma finama Yave yo mwan’andi.