Yakobo wazaya wo vo Yave kaka ofweno sambilwa, kana una vo katambula nsiku ko wasimanga e nsambila a teke. (Luv 20:3-5) Muna kuma kiaki, vava o Yave kavovesa kwa Yakobo vo kavutuka kuna Betele, Yakobo wavovesa kwa awana bayenda yandi vo bayivevola muna teke yawonso bakala yau. I bosi, wazika e teke yawonso, kana nkutu nlunga basadilanga muna mpandu. (Tuku 35:1-4) Kalukatikisu ko vo Yave wayangalela dina Yakobo kavanga.

Omu lumbu yeto, aweyi tulenda vanina kwa Yave e nsambila ifwanukini kaka kwa yandi? Tuvanganga wo muna venga konso lekwa kina e ngwizani ye nsambil’a teke yovo mpandu. Ediadi divavanga vo twatoma fimpa konso nsaka tuvanga. Kasikil’owu, ukiyuvula: Nga izolanga e nsaka zisonganga mavangu ma mpandu, kindoki ye nkisi? Nga imonanga vo e nsaka zina ke zitoma vovelanga mambu ma kindoki ko, nkisi yovo mpandu ke zambi kwandi ko? Tufwete venga konso diambu dina Yave kemenganga.—Nku. 97:10.

TALA E VIDEO ‘NUSIA NKADI AMPEMBA KITANTU,’ I BOSI VANA E MVUTU ZA YUVU ILENDE:

• Nkia diambu diabwila nlongoki mosi a Bibila una ye nkumbu a Palesa?

• Ekuma tufwete vavila lusadisu lwa akuluntu avo mpangi oyantikidi sadila mavangu ma mpandu?

• Nkia mambu tufwete yambula muna tambula o lusadisu lwa Yave?

• O Palesa nkia nzengo kabaka?

• Aweyi olenda tinina e mavangu ma nkuya?