ZINGU KIA KIKRISTU
Sungamena Nkaz’a Loti
Ekuma nkaz’a Loti katadila ku nima vava kavaika muna Sodomo? O Nkand’a Nzambi ke uvovanga diambu ko. (Etu 19:17, 26) E mvovo mia lulukisu mia Yesu misonganga vo nanga wayindulanga e lekwa kasisa manima. (Luka 17:31, 32) Nswaswani yo Nkaz’a Loti, aweyi tulenda tatidila e ngwizani eto yo Nzambi? Katufwete yambula ko vo mavua makala vana fulu kiantete muna zingu kieto. (Mat 6:33) Yesu wavova vo “ke nulendi sadila Nzambi ye Umvuama ko.” (Mat 6:24) Kansi adieyi tufwete vanga avo mavua mayantikidi kutukatula e sungididi muna mambu ma mwanda? Tufwete samba kwa Yave katuvana o umbakuzi kimana twazaya mana tufwete soba yo kala yo unkabu wa vanga wo.
TALA E VIDEO YA KUNKU TATU SUNGAMENA NKAZ’A LOTI, I BOSI VANA MVUTU ZA YUVU ILENDE:
-
Aweyi ndenda songela muna mavangu mame vo “isungamenanga nkaz’a Loti?”
Wau vo Gloria wakwamiswanga ntangwa zawonso mu vava nzimbu zayingi, ediadi aweyi diavanga muna ngindu, mvovo ye mavangu mandi?
-
Aweyi o nkaz’a Loti kenena se mbandu a lulukisu kwa yeto o unu?
-
O sadila nkanikinu mia Nkand’a Nzambi aweyi diasadisila Joel ye esi nzo andi?
-
E kikundi kia Ana ye akwandi a salu, nkia vonza kiantwasila muna kimwanda?
-
Ekuma tuvuididi unkabu o mfunu muna lembi bwa mu ntonta za sia nzimbu va fulu kiantete?
-
Aweyi o Bruno yo Gloria bavutulwisila e kimwanda kiau?
-
Nkia nkanikinu mia Nkand’a Nzambi miyikilu mu video yayi?
