Ekuma tufwete viokeselanga e ntangwa ye awana bezolanga Yave? Kadi o wantu ana tukangalanga yau balenda kutufila mu vanga oma mambote yovo oma mambi. (Nga 13:20) Kasikil’owu, Ntinu Yoase “wavanga mambu mambote vana meso ma Yave” ekolo kaviokesanga e ntangwa kumosi yo Yoyada wa Ngang’ambuta. (2 Tus 24:2) Vava Yoyada kafwa, Yoase wabembola Yave mu kuma kia yikundi yambi.—2 Tus 24:17-19.

Muna tandu kiantete, Paulu wa ntumwa watezanesa e nkutakani ya Kikristu ye “nzo ampwena,” ampangi muna nkutakani wabatezanesa ye “sadilwa” yovo salanganu ina muna nzo. Tukwamanana kala “salanganu kia zitu,” vava tuvenganga e kikundi ye konso muntu kana nkutu yitu kieto yovo mpangi muna nkutakani ona okendelekele Yave. (2 Tim 2:20, 21) Muna kuma kiaki, diambote twakwamanana vanga e kikundi ye awana bezolanga Yave ye awana bekutukasakesanga mu kunsadila.

TALA E VIDEO, VENGA YIKUNDI YAMBI, I BOSI VANA E MVUTU ZA YUVU ILENDE:

• Mu nkia mpila e yikundi yambi ilenda kotela muna zingu kieto?

• Muna video tutadidi, adieyi disadisi ampangi tatu muna yambula e yikundi yambi?

• Nkia nkanikinu mia Nkand’a Nzambi milenda kutusadisa mu sola yikundi yambote?