Yave ke sianga mpambula ko. (Mav 10:34, 35) Otondanga wantu a “zula yawonso ye makanda ye nkangu ye ndinga.” (Lus 7:9) Muna kuma kiaki, e kitantu yovo fu kia swaswanesa wantu ke kina ye fulu ko muna nkutakani a Kikristu. (Yak 2:1-4) Tuvutulanga matondo muna malongi tutambulanga kwa Nzambi, tuyangalelanga e paradiso eto a kimwanda muna tumwenanga una wantu besobelanga kiwuntu kiau. (Yes 11:6-9) Ekolo tuvanganga e ngolo mu katula konso ngindu zalembi songa mu kuma kia akaka, tusonganga vo tutangininanga Nzambi.—Efe 5:1, 2.

• Ekuma malongi ma Nzambi masundindi e ngolo bevanganga wantu za fokola e fu kia sia mpambula ye kitantu?

• Nki kikusivikisanga muna kintwandi kieto kia wan’a ngudi mu nz’amvimba?

• Aweyi o Yave kekembelelwanga vava tutatidilanga kintwadi kieto kia Kikristu?