EKUMA DININ’O MFUNU: Yave omenesanga e mbongo a ludi muna ntima mia awana bena “kikilu ye tima dia vua moyo a mvu ya mvu.” (Mav 13:48; 1 Kor 3:7) Tusalanga kumosi yo Yave muna salu kia umbangi, mu vava awana besadilanga mana belongokanga. (1 Kor 9:26) Alongoki a Nkand’a Nzambi bafwete bakula vo o vubwa nze Nkristu mfunu kwina muna vuluka. (1 Pet 3:21) Tusadisanga awana tulongokanga yau bakituka se alongoki muna kubalonga bavanga nsobani muna zingu kiau kimana bakituka ateleki a nsangu zambote, alongi yo yekola e zingu kiau kwa Yave.—Mat 28:19, 20.

UNA TULENDA WO VANGILA:

• Sungamesa alongoki a Nkand’a Nzambi vo e kani dia longoka i kubasadisa ‘bazaya’ Yave yo vanga mana mekunyangidikanga.—Yoa 17:3

• Ubasadisa banungunuka muna mwanda kimana basunda konso diambu diampasi, nze fu ye yikundi yambi

• Ubakumika yo kubakasakesa vitila bavubwa ye kuna nima a luvubu lwau.​—Mav 14:22

NUTALA E VIDEO, YAVE WA NZAMBI OKUSADISA, I BOSI NUVANA E MVUTU ZA YUVU ILENDE:

• Nkia wonga ulenda simba o muntu mu lembi kukiyekola yo vubwa?

• Aweyi akuluntu balenda sadisila alongoki a Nkand’a Nzambi mu nungunuka muna mwanda?

• E sono kia Yesaya 41:10 adieyi kikutulonganga mu kuma kia Yave?

• Nkia fu ilenda kutusadisa mu sadila Yave muna mpila ina ketondanga kana una vo tu wantu alembi lunga?