O vaikisa muntu mu nkutakani ditaninanga e nkutakani yo vana e longi kwa ndiona olembi vilukanga o ntima. (1 Kor. 5:6, 11) Vava tuyikamanga e longi diadi dia Yave, zola tusonganga. Kansi, nga ediadi dialudi wau vo o vaikisa o muntu mu nkutakani mpasi ditwasanga kwa wantu awonso kumosi ye yitu ye akuluntu ana befundisanga o nsumuki?

Vana ntandu, vava tuyikamanga e nkubika ya vaikisa o nsumuki mu nkutakani, tusonganga vo tuzolanga e nkumbu a Yave ye nkanikinu miandi mu kuma kia velela. (1 Pet. 1:14-16) Tusonganga mpe vo tuzolanga muntu ovaikisu mu nkutakani kadi kana una vo ediadi mpasi ditwasanga, dilenda yima e “mbongo a luvuvamu ye unsongi.” (Ayib. 12:5, 6, 11) Vava tuvanganga e kikundi yo muntu wavaikiswa mu nkutakani yovo ona wavaika yandi kibeni, tusonganga vo ke tuyikamanga longi dia Yave ko. Tufwete sungamenanga vo Yave ‘otumbilanga e selo yandi muna tezo.’ (Yer. 30:11) Ekolo tuyikamanga e longi dia Yave yo lunga-lunga kimwanda kieto, tukalanga ye vuvu vo ndiona wavaikiswa mu nkutakani ovutuka kwa Se dieto dia nkenda.—Yes. 1:16-18; 55:7.

TALA E VIDEO, SONGANGA E KWIKIZI YE NSI A NTIMA WAWONSO, I BOSI VANA E MVUTU ZA YUVU ILENDE:

• Aweyi o mase balenda mona vava mwan’au keyambulanga sadila Yave?

• Aweyi ampangi muna nkutakani balenda sadisila esi nzo ana bavuidi e yitu ovaikisu mu nkutakani?

• Nkia lusansu lwa Bibila lusonganga o mfunu wa songa e kwikizi kwa Yave ke mu yitu yeto ko?

• Aweyi tulenda songela vo tusianga e kwikizi kieto muna Yave va fulu kiantete ke mu yitu yeto ko?