Ekolo Yesu kakala ova ntoto watoma vovela o nkanikinu owu: “Zitisa se diaku yo ngudi aku.” (Luv 20:12; Mat 15:4) Yesu wavovanga ye ziku kiawonso kadi wakwamanana ‘lemvokela’ mase mandi ekolo kakala nleke. (Luka 2:51, mvovo vana yanda lukaya) Vava kakala se mbuta, wavanga mawonso kimana ngudi andi kalungwa-lungwa kuna nima lufwa lwandi.—Yoa 19:26, 27.

Mu lumbu yeto mpe, aleke Akristu ana belemvokelanga mase mau, bemokenanga yau kuna luzitu lwawonso. Dialudi vo o nkanikinu wa zitisa mase meto ke uviokelanga ntangwa ko. Kana nkutu vava mase meto benunanga, tufwete kwamanana kubazitisa ediadi dikutusadisa mu baka e nluta muna ngangu zau. (Nga 23:22) Tuzitisanga mpe mase meto ma anunu vava tulungisanga e nsatu zau. (1 Tim 5:8) Kiakala vo tu aleke yovo ambuta, o toma mokena yo mase meto i mpila yambote tulenda kubazitisila.

SONGA E VIDEO INA YO NTU A DIAMBU: AWEYI NDENDA MOKENENA YE MASE MAME? I BOSI NUBADIKA YUVU ILENDE:

• Ekuma dilenda kadila diampasi mu mokena yo mase maku?

• Aweyi olenda zitisila mase maku vava omokenanga yau?

• Ekuma ofwete vangilanga e ngolo mu mokena yo mase maku? (Nga 15:22)