Se kolo kwa ovingilanga vo e Kintinu kia Nzambi kiza? Nga osonganga luzindalalu kana nkutu muna ntangw’a mpasi? (Roma 8:25) Akristu akaka bemengwanga, bangikwa, siwa mu pelezo yovo mweswa e mpasi yamuna lufwa. Ndonga benuananga ye mpasi nze, kimbevo kilembi sasukanga yovo kinunu.

Nki kilenda kutusadisa mu vingila kuna luzindalalu kana nkutu vava tunuananga ye mpasi? Tufwete siamisanga lukwikilu lweto lumbu yawonso muna tanganga o Nkand’a Nzambi yo badika mana tutanganga. Tufwete sianga e sungididi muna vuvu kieto. (2 Kor 4:16-18; Ayib 12:2) Tufwete dodokelanga Yave muna sambu yo lomba mwand’andi avelela. (Luka 11:10, 13; Ayib 5:7) Se dieto dianzodi olenda kutusadisa ‘twazizidila mawonso kuna kiese.’—Kol 1:11.

NUTALA E VIDEO, TUFWETE ‘LUNDUMUKINA KUNA LUZINDALALU’—KALA YE VUVU KIA TAMBULA NSENDO, I BOSI VANA E MVUTU ZA YUVU ILENDE:

• Nkia mambu makinsalukisa malenda kutubwila muna zingu? (Kim 9:11)

• Aweyi e sambu kikutusadisilanga vava tunuananga ye mpasi?

• Avo ketulendanga diaka vanga mayingi ko muna salu kia Yave, ekuma tufwete sila e sungididi muna mana tulenda vanga?

• Nki kilenda kusadisa mu kala ye ziku kia tambula o nsendo?