ZINGU KIA KIKRISTU
Tutomesa Ndekwa Zeto Muna Salu kia Umbangi—Yambula Longoka ye Alongoki ke Benungunukanga Ko
EKUMA DININA O MFUNU: O wantu bafwete vovela e nkumbu a Yave muna vuluka. (Roma 10:13, 14) Kansi ke awonso ko betambulwilanga longoka o Nkand’a Nzambi i bezingilanga e ngwizani ye nkanikinu mia Yave. Diambote twatoma sadila e ntangw’eto muna salu kia umbangi mu sadisa awana bazolele kikilu soba e mpila zingu kiau muna yangidika Yave. Avo nlongoki a Nkand’a Nzambi ke nungunukanga ko kana nkutu vo se kolo kelongokanga, diambote twasia e sungididi kieto kwa awana Yave ketuntanga kwa yandi ye nkubik’andi. (Yoa 6:44) Kansi kuna kulanda avo muntu osobele yo kala ye “tima dia vua moyo a mvu ya mvu,” tulenda vutuka longoka yandi diaka.—Mav 13:48.
UNA TULENDA WO VANGILA:
-
Sanisina o nlongoki wau kena ye tima dia vua o zayi wa ludi.—1 Tim 2:4
-
Toma sasila o mfunu wa sadila mana kalongoka.—Luka 6:46-49
-
Kuna ngemba zawonso nubadika e kingana kia Yesu kia nkuni, i bosi unyuvula kana nki kikunsimbanga muna nungunuka.—Mat 13:18-23
-
Kuna ndekwa zawonso unsasila e kuma oyambulwila longoka yandi
-
Unzayisa vo ezak’entangwa okala kunkingula muna kunkasakesa, kuna ntwala olenda vutuka longoka yandi diaka avo okedi ye tima dia nungunuka
NUTALA E VIDEO, I BOSI NUVANA E MVUTU MUNA YUVU ILENDE:
-
Adieyi olongokele muna moko kisongele vo o nlongoki kanungunukanga ko muna mwanda?
-
Aweyi o nteleki kasadisidi nlongoki kabakula o mfunu wa vanga e nsobani?
-
Aweyi o nteleki kaziwididi e nzila kwa nlongoki kimana kuna ntwala kavutuka longoka diaka avo ozolele?