SILA UMBANGI UNA UFWENE
Tutomesa Ndekwa Zeto Muna Salu Kia Umbangi—Kubika e Nsunzula mu Mvovo mia Ngeye Kibeni
EKUMA DININ’O MFUNU: Kana una vo e nsunzula za leboka zina mu Nkand’a Malongi zikutuvananga ndekwa zambote, kansi tuludiku kaka. Ofwete sadila e mvovo mia ngeye kibeni. Olenda sadila nsunzula yaswaswana yovo diambu diakaka omwene vo dilenda tunta e sungididi kia wantu muna zunga kieno. Avo i wau, vava otanga Eyingidilu yovo Despertai!, badika e nsunzula zaleboka yo tala e video ya nsongesela, olenda sadila ndekwa zilende mu kubika e nsunzula ya ngeye kibeni.
UNA OLENDA WO VANGILA:
Ukiyuvula: ‘Nga nzolele sadila imosi muna nsunzula zaleboka?’
ELO
-
Kubika una oyantikila e moko. Vava okayisa o muntu, unzayisa ekuma kia nkingul’aku. (Olenda vova: “Ngizidi mu ku . . . ”)
-
Yindula una olenda viokela muna kiuvu, sono ye mana ovova. (Muna tanga e sono, olenda vova: “E mvutu za sikididi za kiuvu kiaki olenda zo solola mu sono eki.”)
VE
-
Sola ntu a diambu uyangidikidi muna Eyingidilu yovo Despertai!, una ulenda tunta e sungididi kia wantu muna zunga kieno
-
Kubika kiuvu kilenda fila muntu mu vova mana keyindulanga yo ziula e nzila mu mokena, kansi kuvangi kiuvu ko kilenda fila muntu mu lembi zaya dina kevova. (Kasikil’owu: Olenda sadila e kiuvu kina vana lukaya lwa 2 lwa Eyingidilu yovo Despertai!.)
-
Sola e sono nutanga. (Avo Despertai! okaya, ngeye kibeni olenda baka e nzengo kana vo sono otanga, kadi finkanda fiafi fiakubikwa mu kuma kia awana ke bena ye zayi wayingi ko wa Nkand’a Nzambi yovo bekalanga yo lukatikisu mu kuma kia mabundu.)
-
Kubika diambu dimosi yovo mamole malenda sasila una muntu kalenda bakila nluta muna tanga longi dina muna finkanda
MUNA MAMBU MAKAKA
-
Kubika kiuvu kina ovanina e mvutu vava ovutuka kunkingula
-
Soneka maka mambu malenda kusadisa mu sungamena mana ovova muna nkingula ilanda
