Kina kia 23 kia Malusu, tezo kia milhões 12 za wantu yovo vioka bekwiza lungana yeto mu Luyindulu. Kieleka, umbangi wambote betambula ekolo belanda o mpovi osasila oma ma lukau lwa Yave lwa lukûlu ye nsambu bevua o wantu. (Yes 11:6-9; 35:5, 6; 65:21-23; Yoa 3:16) Kansi, o mpovi ke yandi kaka ko osila umbangi muna lumbu kiaki kiamfunu. Yeto awonso tulenda vana nginza ambote kw’awana tubokela. (Roma 15:7) Tala zaka ndekwa tulenda sadila.

• Vana fulu kia vuanda kaka yo vingila yavana lukutakanu luyantika, vana e nginz’ambote kw’awana bekwiza lungana yeto, kumosi ye awana bayoya muna mwanda yo kubakayisa kuna ngemba zawonso

• Ekolo osia e sungididi kw’awana obokela, diambote mpe mu sia e sungididi kw’awana batambula e mboka muna salu twasala kia kaya e mboka kwa wantu ayingi. Olenda lomba kwa mosi muna yau kafonga yaku. Nusadila kumosi o Nkand’aku a Nzambi yo nkanda a nkunga

• Kuna mfoko a lukutakanu, kala wakubama mu vana e mvutu za yuvu yau. Avo ntangwa yakete kaka nukala yau mu kuma kia nkutakani yakaka isadila e seka, vanga e nkubika mu kubakingula lembi viokesa lumbu yayingi. Avo kuna ye numero andi ya telefone ko ngatu zaya kuna kezingilanga, olenda vova vo: “Nzolele zaya mana olongokele mu luyindulu lwalu, akweyi ndenda kuvavila?”