E finkanda Wila Nzambi fiakubikwa ye kani dia longa e ludi kiantete kia Nkand’a Nzambi mu sungula kw’awana ke bazeye toma tanga ko. Konso makaya mole muna ye longi diakubikwa ye fwaniswa ilenda sadilwa mu ndandani.

E finkanda Wila Nzambi Wazinga Yakwele Mvu, fivuidi fwaniswa yau imosi ye finkanda Wila Nzambi, kansi muna finkanda fiafi muna ye masono nulenda tanga yo nlongoki una vo ozeye tanga fioti. Ateleki balenda kwau sadila e finkanda fiafi ekolo nlongoki kesadilanga e finkanda Wila Nzambi. Muna makaya mankaka muna ye babu ina ye mambu nulenda sadila mun’owu wa umbukuzi wa nlongoki.

Olenda kaya yinkanda-nkanda yayi nkonso ntangwa kana nkutu vo ke yau ko ikayiwa muna ngonde. Ekolo ofilanga e longi dia Nkand’a Nzambi, sadila e fwaniswa mu sasila tusansu twa Nkand’a Nzambi. Vanga e yuvu ilenda fila nlongoki mu vova, i bosi vava zaya kana vo obakwidi. Tanga yo sasila e sono ya Nkand’a Nzambi ina vana yanda a konso lukaya. Vava nufokola longoka finkanda fiafi, nuyantika longoka o nkanda, O Nkand’a Nzambi Adieyi Kieleka Kelonganga? Yovo Adieyi Nkand’a Nzambi Ulenda Kutulonga? muna sadisa nlongoki kanungunuka yamuna luvubu.