25:1-12

Kana una vo Yesu wasadila e kingana kia mienze kumi mu yika alandi andi akuswa, e nsangu zina muna kingana kiaki zisadilwanga kwa Akristu awonso. (Eyingidilu 15/3/2015 luk. lwa 9-14) “Dianu vo, nuyingila, kadi ke nuzey’e lumbu ko ngatu ola.” (Mat 25:13) Nga olenda sasila e kingana kia Yesu?

• Toko diansompi (tini kia 1)—Yesu

• Mienze mia alungaladi bakubama (tini kia 2)—Akristu akuswa ana bakubikwa mu lunga-lunga e mbebe au ye kwikizi kiawonso, betemesanga o ntemo au yamu lumbu yambaninu (Fili 2:15)

• Bekazanga: ‘Tala e toko diansompi!’ (tini kia 6)—Nsisu kia nginz’a Yesu

• Mienze mia mazowa (tini kia 8)—Akuswa ana bekwenda wanana ye toko diansompi ana ke bekwamanana yingila ko ngatu sikila ye kwikizi

• E mienze kumi ke batambulwila kaya mazi mau ko (tini kia 9)—Kuna mfoko a dimbu kiansuka, diampasi dikala kwa akuswa akwikizi mu sadisa akuswa ana ke besikila ye kwikizi ko

• “O toko diansompi olueke” (tini kia 10)—Yesu okwiza fundisa wantu vava kifinama e kolo kia mpansi zayingi

• E mienze ana bena vo alungaladi bakotele muna nkinzi a longo kumosi yo toko diansompi, o mwelo ukangamene (tini kia 10)—Yesu okutika akuswa akwikizi kuna zulu, kansi e minkondwa kwikizi ke betambula nsendo ko