EKUMA DININA O MFUNU: Vava alongoki a Nkand’a Nzambi bekubikanga longi diau dikubasadisanga mu toma bakula yo sungamena mana tukubalonganga. Avo batomene bakula, ediadi dikubasadisa mu nungunuka muna mwanda. Kana nkutu ku nima a luvubu, bafwete kubikanga tukutakanu ye salu kia umbangi ediadi dikubasadisa mu ‘kwamanana yingila.’ (Mat 25:13) Muna kuma kiaki, o zaya una balenda longokela yo kala ye nkubika yambote ya longoka, dikubatwasila e nluta muna zingu kiau kiawonso. Tuka kuna lubantiku, tufwete sadisa alongoki bayima e fu kia kubikanga e longi diau dia Nkand’a Nzambi.

UNA TULENDA WO VANGILA:

• Kala se mbandu ambote. (Roma 2:21) Yindulanga konso nlongoki vava okubikanga konso longi. (km 11/15 3) Unsonga o nkand’aku kimana kamona una okubikilanga

• Unkasakesa kakubikanga. Tuka longi disikidiswanga, sadisa nlongoki kazaya vo diambote kavanga e nkubika ya kubikanga e longi diandi, unsasila mpe e nluta dilenda kuntwasila. Unsadisa kazaya una kalenda vaulwila e ntangwa mu kubika. Ateleki akaka beyambulanga vo nlongoki andi kasadila o nkanda andi wakubikwa ekolo belongokanga muna sadisa nlongoki kabakula e nluta mia teka kubika. Sanisinanga nlongoki vava kekubikanga

• Unsonga una kalenda kubikila. Tuka kuna lubantiku, ateleki akaka besadilanga kapu kiamvimba yovo longi muna songa kwa alongoki au una balenda kubikila