EKUMA DININ’O MFUNU: O Nkanda 1 Korinto, umosi muna nkanda 14 wasonekwa kwa Paulu wa ntumwa muna kasakesa akwandi Akristu. Vava muntu kesonekanga o nkanda, okalanga ye ntangwa ya toma sola e mvovo kesoneka. Ndiona otambula o nkanda wau olenda wo tanga nkumbu miayingi. O soneka o nkanda i mpila yambote tulenda sila umbangi kwa yitu ye kwa awana tuzayanene. E nkanda milenda mpe kutusadisa mu sila umbangi kwa wantu bena vo diampasi mu mokena yau. Kasikil’owu, dilenda kala vo muntu wasonga luzolo lwambote kansi diampasi dikalanga mu kuwana ku nzo. Wantu akaka muna zunga kieto dilenda kala diampasi mu mokena yau kadi bezingilanga muna nzo zitoma lungwa-lungwanga kwa ayingidi. Nkia diambu tufwete sungamena musungula vava tusonekanga nkanda kwa anzenza?

UNA TULENDA WO VANGILA:

• Soneka dina wadi vova kwa muntu kele vo wamokena yandi. Uyisunzula kuna lubantiku lwa nkanda, i bosi toma kiesesa e kuma osonekene wo. Vanga kiuvu kilenda fila muntu mu yindula, i bosi unsasila una kalenda sololwela e nzil’eto muna internete. Unzayisa e nkubika ya longoka o Nkand’a Nzambi muna internete yovo una tulongokelanga Nkand’a Nzambi yo wantu muna nzo zau. I bosi, yika e miaka ntu mia mambu mina muna nkanda tusadilanga mu longoka yo wantu. Olenda yika mpe nkanda nze tratado, mboka yovo kalati kia jw.org

• Kusoneki mayingi ko kimana ndiona otambula wo kalembi yoya vitila kafokola wo tanga.—Tala e nona

• Tangulula o nkanda muna singika konso vilwa yo fimpulula kana vo o nkanda watoma kiá wina. Vava zaya mpe kana vo e mvovo osadidi miangemba ye mialukasakeso