O sadila e lekwa imonekanga dituntanga e sungididi kia muntu yo kunsadisa kabakula yo sungamena mana kalongoka. Yave wa Nlongi eto Anene, wasadila e lekwa imonekanga muna longa mambu mamfunu. (Etu 15:5; Yer 18:1-6) Yesu mpe wasadila e lekwa imonekanga muna longa. (Mat 18:2-6; 22:19-21) Kimosi muna lekwa imonekanga kitoma sadilwanga mu mvu miami, i video. Nga otoma sadilanga e video vava olonganga alongoki aku a Nkand’a Nzambi?

Vena ye video kumi zakubikwa muna kutusadisa mu longa malongi mamfunu mena muna finkanda Nsangu Zambote Zitukidi kwa Nzambi. Konso ntu a diambu a video betela wina ye kiuvu kina muna masono ma ndombe kina muna finkanda. Muna finkanda fina muna internete muna ye fulu kikusadisa mu zaya e ntangwa ofwete songa e video. Vana ntandu, vena ye video zakaka zilenda sadilwa muna nkanda miakaka tusadilanga muna longoka yo wantu mina muna Salanganu Yeto Yalongela.

Nga osadilanga ntu mia mambu mina nlongoki aku kemonanga vo miampasi mu bakula? Nga vena ye diambu diampasi o nlongoki aku kenuananga diau? Vava e video ilenda kunsadisa muna jw.org® ye muna JW Broadcasting®. Nulenda yo tala kumosi yo badika mambu mamfunu numwene.

Konso ngonde, vevaikiswanga video zampa. Ekolo otalanga zo, yindulanga una olenda zo sadila vava olonganga akaka.