Konso mvu, tuvanganga mawonso mu bokela o wantu a zunga kieto balungana yeto muna Luyindulu. Ndonga muna yau bena se nzenza kwa yeto. Tufwete bokelanga mpe wantu ana tuzeye. Nkumbu miayingi o wantu betambulwilanga e mboka ya kwiza lungana yeto avo babokelo kwa muntu ona bazeye. (Anuário de 2008 luk. 11 tini kia 3 ye luk. 14 tini kia 1) Aki nani olenda bokela?

• Yitu

• Akwaku a salu yovo a sikola

• Mfinangani

• Alongoki, awana balongoka kala Bibila ye awana ovutukilanga kingula

Vana ntandu, akuluntu bebokela awana bayoya muna mwanda. Adieyi tuvova avo muntu ona tuzolele bokela ke zingilanga mu zunga kieto ko? Olenda vava muna nzil’eto ya jw.org muna solola e ola ye fulu kina lukufi muna zunga kezingilanga. Olenda ziula vana vasonama, TU AKI NANI, i bosi ziula vana “Luyindulu.” Muna toma kubama muna lumbu kiaki kiamfunu, yindula awana ozolele bokela i bosi, ubavana e mboka.