Yave wa “Nzambi a kiese” ozolele vo twakala ye kiese muna salu kia umbangi. (1 Tim. 1:11) Ekolo tuvanganga e ngolo mu tomesa e ndekwa zeto, e kiese kieto kiwokelanga. O vanga e yuvu ilenda tunta e sungididi kia muntu, i mpila yambote ya yantikila e moko. E yuvu ifilanga o muntu muna yindula yo bakula e mbut’a diambu. (Mat. 22:41-45) Vava tusadilanga e yuvu yo winikina ye sungididi kiawonso, dina nze yeto tuvovanga kwa muntu vo: ‘Mfunu kikilu wina kwa mono.’ (Yak. 1:19) E mvutu kevananga o muntu zikutusadisanga mu zaya una tulenda kwamanena ye moko mu mpila yambote.

TALA E VIDEO, KALANGA YE KIESE MUNA SALU KIA KITULA WANTU SE ALONGOKI—TOMESA E NDEKWA ZAKU—YUVULANGA E YUVU. I BOSI, VANA E MVUTU ZA YUVU ILENDE:

• Nkia fu yambote kasongele o Petala?

• Aweyi Anita kasadidi e yuvu muna songa vo wete dia muntu katokanene?

• Aweyi Anita kasadidi e yuvu mu wokesa e tima dia Petala dia wa e nsangu zambote?

• Aweyi Anita kasadidi e yuvu mu sadisa Petala mu yindula yo bakula e mbut’a diambu?