Mana mabwila Aneyisaele vana ndimb’a Moabe, mena se lulukisu kwa Akristu o unu. (1 Kor. 10:6, 8, 11) Aneyisaele ana bavanga e kikundi ye wan’amakento a Moabe ana bakivananga muna mavangu ma zumba ye nsambil’a teke bavukumunua mu vanga vilwa wampwena. Ediadi diatwasa lufwasu lwa wantu ayingi. (Nta. 25:9) O unu, tuzinganga ye wantu ana ke besambilanga Yave ko, nze akweto a salu, a sikola, mfinangani, yitu ye wantu akaka tuzayanene. Adieyi tulenda longoka muna lusansu lwalu mu kuma kia vonza kia vanga kikundi ye wantu ke besambilanga Yave ko?

TALA E VIDEO, NONA YA LULUKISU OMU LUMBU YETO—FINDAMBU KAKA. I BOSI, VANA E MVUTU ZA YUVU ILENDE:

• Nkia ngindu zabendomoka kakala zau o Zimere ye akaka mu kuna kia Yamini?

• Aweyi o Finekase kasadisila Yamini mu badikila mambu mu mpila yambote?

• Nkia nswaswani ina vana vena songa ngemba kwa mundembi kwikila yo vanga yandi kikundi?

• Ekuma tufwete kuyikebela vava tusolanga akundi eto kana nkutu muna nkutakani?

• Ekuma tufwete vengela e fu kia vanga yikundi muna internete ye wantu ana ke tutomene zaya ko?