ZINGU KIA KIKRISTU
E Mpasi Zawonso Zisinga Fokoka
E mpasi zilenda kutuyoyesa musungula vava zikwamanananga mu kolo kiandá. Davidi wazaya wo vo e mpasi kamweswanga kwa Saulu wa Ntinu zadi fokoka ye wadi kituka ntinu wauna Yave kasila o nsilu. (1 Sam. 16:13) O lukwikilu lwa Davidi lwansadisa mu kala yo luzindalalu yo vingila vo Yave kafokola e mpasi zandi.
Vava tukalanga mu mpasi nanga tulenda sadila e ndekwa, zayi yovo yindula una tulenda fokolwela e mpasi zeto. (1 Sam. 21:12-14; Nga. 1:4) Kansi, e mpasi zankaka zilenda kwamanana kana nkutu vo tuvangidi mawonso tulenda mu zingila e ngwizani ye nkanikinu mia Bibila. Ozevo, tufwete kala yo luzindalalu yo vingila Yave. Ke kolo ko, ofokola e mpasi zeto zawonso yo ‘kunguna mansanga mawonso’ muna meso meto. (Lus. 21:4) Kiakala vo luvevoko lwa mpasi zeto kwa Yave lutuka yovo mu mpila yankaka lukwizila, e ziku tuna kiau i kiaki: E mpasi zawonso zisinga fokoka. O zaya ediadi dilenda kutufiaulwisa.
TALA E VIDEO, NKANGU WAYIKAKIANA MU NZA YAVAMBANA. I BOSI, VANA E MVUTU ZA YUVU ILENDE:
-
Nkia nkakalakani bawanana zau ampangi zankaka kuna sude ya Estados Unidos?
-
Aweyi basongela luzindalalu yo zola?
-
Aweyi bakwamanena sila e sungididi muna “mambu masundidi o mfunu”?—Fili. 1:10