Muna Nsiku a Mose diavavanga vo avo muntu ozolele vonda longo, kasoneka o nkanda wa vondela longo. Ediadi diasadisanga wantu mu lembi vonda longo vana vau. Kansi, muna lumbu ya Yesu afidi a nsambila babadikilanga e vangu dia vonda longo vo ke diambi kwandi ko. Akala bavondanga longo ye akazi au muna mambu ma kondwa mfunu. (nwtsty, babu kia longokela, Maku 10:4, 11) Yesu wasonga vo Yave yandi wasikidisa e nkubik’a longo. (Maku 10:2-12) O yakala yo nkento bekitukanga “nitu mosi,” ke bafwete vambana ko. Mun’owu wa Nkand’a Nzambi, e diambu kaka dilenda fila yakala yo nkento mu vonda longo i “zumba.”—Mat 19:9.

O unu, wantu ayingi bebadikilanga o longo nze una Afarisi babadikilanga lo, ke nze Yesu ko. Vava vebwanga e mpasi o wantu bevavanga vonda longo vana vau. Kuna diak’e sambu, akazi bena vo Akristu, bebadikilanga o longo vo mbebe ampwena. Muna kuma kiaki, bevanganga mawonso mu zizidila e mpasi muna sadila nkanikinu mia Nkand’a Nzambi. Vava numana tala e video, O Zola yo Luzitu Kusiamisanga Kintwadi Muna Nzo, nuvana e mvutu za yuvu ilende:

• Aweyi olenda sadila e sono kia Ngana 15:1 muna longo lwaku? Ekuma dinina o mfunu?

• Aweyi tulenda vengela e mpasi muna sadila e sono kia Ngana 19:11?

• Avo longo lwaku mu vonza lwina, vana fulu kia yindula, ‘Mfwete vonda longo lwalu,’ nkia kiuvu ofwete badika?

• Aweyi olenda kadila yakala diambote yovo nkento ambote muna sadila e sono kia Matai 7:12?