O zola kuna se dimbu diyikakesanga esi nzo. Kondwa kwa zola, esi nzo ke balendi kala mu ungudi ko ngatu salaziana. Aweyi yakala, nkento ye mase balenda songela o zola muna nzo?

O yakala dianzodi, obakulanga e nsatu za nkaz’andi, ngindu ye makani mandi. (Efe. 5:28, 29) Olungisanga e nsatu za nitu ye za mwanda za esi nzo andi. Ovanganga e ngolo za kala ye Nsambila ya Esi Nzo konso lumingu. (1 Tim. 5:8) O nkento anzodi, osakalelanga nkaz’andi yo ‘toma kunzitisa.’ (Efe. 5:22, 33; 1 Pet. 3:1-6) Akazi bafwete lolokanga muntu yo nkwandi kuna mvevo. (Efe. 4:32) Mase manzodi, besonganga o zola kwa konso mwana yo kubalonga bazola Yave. (Nsi. 6:6, 7; Efe. 6:4) Nkia ntonta wan’au bewanananga zau kuna sikola? Aweyi bezizidilanga e ntonta za akwau a sikola? Vava esi nzo besonganga o zola, awonso bemonanga vo mu lutaninu bena.

TALA E VIDEO, SONGANGA O ZOLA KULEMBI SUKA KWA ESI NZO AKU, I BOSI VANA E MVUTU ZA YUVU ILENDE:

• Aweyi yakala dianzodi kesongelanga o zola kwa nkaz’andi?

• Aweyi nkento anzodi kesongelanga luzitu kwa nkaz’andi?

• Aweyi mase manzodi bekoteselanga e Diambu dia Nzambi muna ntima mia wan’au?