Vava tuvutukilanga kingula o wantu yovo vava tufilanga e longi dia Bibila, tufwete sadisanga awana bekutuwanga mu bakula mambu masina. Muna sadilanga yingana muna mambu masina, tulenda simba e ntima miau yo kubasadisa basungamena mu sazu mana balongokele.

Ekolo okubamanga mu vutukila kingula o wantu yovo mu kwenda fila longi dia Bibila, sungamenanga mambu masina, solanga e mambu ozolele toma sasila. I bosi, sola yingana yankufi ina betela ye mambu ma zingu kia lumbu ke lumbu. (Mat. 5:14-16; Maku 2:21; Luka 14:7-11) Vava zaya lusansu ye salu besalanga wantu ana omokenanga yau. (Luka 5:2-11; Yoa. 4:7-15) Vava omona vo wantu bayangalele mana belongokanga wau vo babakwidi mambu masina, e kiese kiaku mpe kiwokela.

TALA E VIDEO, KALANGA YE KIESE MUNA SALU KIA KITULA WANTU SE ALONGOKI—TOMESA E NDEKWA ZAKU—SADILANGA YINGANA MUNA MAMBU MASINA. I BOSI, VANA E MVUTU ZA YUVU ILENDE:

• Ekuma tufwete sadisila o nlongoki kabakula e sono ya Bibila?

• Nkia nona kasadidi Anita muna sasila e sono kia Roma 5:12?

• E yingana yambote adieyi ilenda vanga kwa awana bekutuwanga?

• Ekuma tufwete sadilanga e video ye salanganu yankaka ivayikiswanga muna nkubik’a Yave muna salu kieto kia umbangi?